మారుతీ సుజుకీ ఎస్-ప్రెస్సో దేశంలో అత్యంత తక్కువ ధరలో లభించే హ్యాచ్బ్యాక్. దీని ధర రూ. 3.50 లక్షల నుండి రూ. 5.25 లక్షల (ఎక్స్-షోరూమ్) వరకు ఉంటుంది. ఇందులో ఒక లీటర్ పెట్రోల్, సీఎన్జీ ఇంజిన్ ఆప్షన్లు ఉన్నాయి. మైలేజ్ విషయంలో ఇది 24 నుంచి 33 కిలోమీటర్ల వరకు ఇస్తుంది. కారులో 5 సీట్ల వరకు ఉంటుంది. ఫీచర్స్ పరంగా లేటెస్ట్ టెక్నాలజీని కలిగి ఉంది. ఈ కారులో టచ్స్క్రీన్ ఇన్ఫోటైన్మెంట్ సిస్టమ్, సెమీ-డిజిటల్ క్లస్టర్, USB కనెక్టివిటీ, రెండు ఎయిర్బ్యాగులు ఉన్నాయి. భద్రత కోసం వెనుక పార్కింగ్ సెన్సార్లు కూడా అందించబడ్డాయి. డిజైన్ పరంగా LED హెడ్ల్యాంప్స్, LED టెయిల్ల్యాంప్స్, 14-అంగుళాల చక్రాలతో ఉంటుంది. 180 mm గ్రౌండ్ క్లియరెన్స్, 2,380 mm వీల్బేస్ వల్ల చిన్న SUVలా లుక్ ఇస్తుంది. గ్రానైట్ గ్రే, ఫైర్ రెడ్, సిల్కీ సిల్వర్ రంగుల్లో అందుబాటులో ఉంది.
దేశీయ మార్కెట్లో మారుతి సుజుకి ఆల్టో కె10 రూ.3.70 లక్షల నుండి రూ.5.45 లక్షల (ఎక్స్-షోరూమ్) వరకు ఉంటుంది. కొత్త ఆల్టో కె10 స్మార్ట్ డిజైన్తో పాటు ఆధునిక ఫీచర్లను కలిగి ఉంది. ఇందులో ఒక లీటర్ పెట్రోల్, ఒక లీటర్ సీఎన్జీ ఇంజిన్ ఆప్షన్లు ఉన్నాయి. ఇది 24 నుంచి 34 కిలోమీటర్ల మైలేజ్ ఇస్తుంది. ఐదుగురు ప్రయాణీకులకు సౌకర్యవంతంగా ఉండే ఈ కారు, రోజువారీ ప్రయాణాలకు సరైన ఎంపిక. ఫీచర్లలో టచ్స్క్రీన్ ఇన్ఫోటైన్మెంట్ సిస్టమ్, సెమీ-డిజిటల్ ఇన్ స్ట్రుమెంట్ క్లస్టర్, పవర్ స్టీరింగ్, కీలెస్ ఎంట్రీ, 4-స్పీకర్ మ్యూజిక్ సిస్టమ్ ఉన్నాయి. భద్రత కోసం 6 ఎయిర్బ్యాగులు, ఎలక్ట్రానిక్ స్టెబిలిటీ ప్రోగ్రామ్, 3-పాయింట్ సీట్ బెల్ట్లు ఇవ్వబడ్డాయి. చిన్న ధరలో ఎక్కువ ఫీచర్లు అందించే ఈ ఆల్టో కె10, వినియోగదారుల నమ్మకాన్ని మరోసారి గెలుచుకుంది.
దేశీయ మార్కెట్ లో మారుతి సుజుకి సెలెరియో స్మార్ట్, ఫ్యామిలీ ఫ్రెండ్లీ హ్యాచ్బ్యాక్గా పేరుగాంచింది. దీని ధర రూ. 4.70 లక్షల నుండి రూ. 6.73 లక్షల (ఎక్స్-షోరూమ్) వరకు ఉంటుంది. ఈ కారు ఒక లీటర్ పెట్రోల్,ఒక లీటర్ సీఎన్జీ ఇంజిన్ ఆప్షన్లలో లభిస్తుంది. మైలేజ్ పరంగా ఇది అద్భుతంగా ఉండి, 24 నుంచి 34 కిలోమీటర్ల వరకు అందిస్తుంది. ఇందులో ఐదు సీట్లు ఉండటం వల్ల కుటుంబ ప్రయాణాలకు అనువుగా ఉంటుంది. ఫీచర్ల విషయానికి వస్తే, 7 అంగుళాల టచ్స్క్రీన్ ఇన్ఫోటైన్మెంట్ సిస్టమ్, సర్దుబాటు చేయగల హెడ్రెస్ట్లు, వెనుక AC వెంట్స్ వంటి సౌకర్యాలు ఉన్నాయి. భద్రత కోసం 6 ఎయిర్బ్యాగులు ఇవ్వబడ్డాయి. మొత్తం మీద, తక్కువ ధరలో ఎక్కువ ఫీచర్లు, సౌకర్యం, మైలేజ్ అందించే ఈ సెలెరియో, రోజువారీ ఉపయోగానికి సరైన కాంపాక్ట్ కారు.
