మహారాష్ట్రలోని ఛత్రపతి శంభాజీనగర్ జిల్లాలోని పైథాన్ పట్టణానికి చెందిన చిన్న రైతు కైలాష్ కుంతేవర్, ప్రముఖ టెలివిజన్ కౌన్ బనేగా కరోడ్పతి షోలో 14 ప్రశ్నలకు సరిగ్గా సమాధానం చెప్పడంతో 50లక్షలు గెలుచుకున్నాడు. కుంతేవర్ కు కేవలం రెండు ఎకరాల భూమి ఉంది. అతని తల్లిదండ్రులు, భార్య పిల్లలతో నివసిస్తున్నారు. సంవత్సరాలుగా, అతను ఎదురు దెబ్బలు, కరువు, వరదలు, పంట వైఫల్యాన్ని ఎదుర్కొన్నాడు, తరచుగా ఇతరుల పొలాల్లో కూలీగా పనిచేయవలసి వచ్చింది. కానీ తను పడిన తపన, కష్టం అతడిని కేబీసీ షోకు చేరుకునేలా చేసింది.2015 లో తన మొదటి మొబైల్ ఫోన్ కొన్నప్పుడు అతని ప్రయాణం ప్రారంభమైంది. “నేను చిన్నప్పటి నుంచి చదివిన లేదా విన్న ప్రతిదాన్ని గుర్తుంచుకోవడం అలవాటు” అని కుంతేవర్ చెప్పాడు. “2015 లో, నేను ఒక మొబైల్ ఫోన్ కొని యూట్యూబ్ లో కౌన్ బనేగా కరోడ్పతి ఎపిసోడ్లను చూడటం ప్రారంభించాను. మొదట, ఇది కేవలం వినోదం కోసమే అనుకున్నాను. ప్రశ్నలకు సమాధానం ఇవ్వడం ద్వారా ఎవరైనా డబ్బు సంపాదించవచ్చని నేను అనుకోలేదు.” “రూ. 50 లక్షలు గెలుచుకున్న ఆనందం మాటల్లో చెప్పలేనిదని కుంతేవర్ అన్నారు. “మా లాంటి వారికి, ఇంత మొత్తం గురించి వినడం కూడా నమ్మశక్యం కాదు అని కుంతేవర్ అన్నారు.
