దేశీయ మార్కెట్లో యూట్యూబ్ ప్రీమియం లైట్ పేరుతో కొత్త సబ్స్క్రిప్షన్ ప్లాన్ను ప్రారంభించింది. దీని ద్వారా యూజర్లు తక్కువ ధరకు ప్రకటన రహిత వీడియో అనుభవాన్ని ఆస్వాదించవచ్చు. ఈ ప్లాన్ ధర నెలకు రూ.89. దీనిలో వినియోగదారులు గేమింగ్, ఫ్యాషన్, అందం, వార్తలు, అనేక ఇతర కేటగిరీలలో చాలా వీడియోలను ప్రకటన రహితంగా చూడటానికి వీలుకల్పిస్తుంది. ఈ ప్లాన్లో యూట్యూబ్ మ్యూజిక్ సౌకర్యాన్ని అందించలేదు. అయితే సాధారణ యూట్యూబ్ ప్రీమియం సబ్స్క్రిప్షన్తో, వినియోగదారులు యూట్యూబ్ ప్రీమియం ఫీచర్లను పొందడమే కాకుండా యూట్యూబ్ మ్యూజిక్కు ఉచిత యాక్సెస్ను కూడా పొందుతారు. యూట్యూబ్ ప్రీమియంలో, కంపెనీ యాడ్-ఫ్రీ వీడియోలను అలాగే బ్యాక్గ్రౌండ్లో వీడియోలను ప్లే చేసి ఆఫ్లైన్లో డౌన్లోడ్ చేసుకునే సౌకర్యాన్ని అందిస్తుంది. లైట్ సబ్స్క్రిప్షన్ ప్రకటన రహిత వీడియోలు చూడడానికి మాత్రమే అనుమతిస్తుంది. అయితే, కొత్త ప్లాన్ స్మార్ట్ఫోన్లు, ల్యాప్టాప్లు లేదా స్మార్ట్ టీవీలు అయినా అన్ని పరికరాల్లో పనిచేస్తుందని కంపెనీ చెబుతోంది. అయితే, మ్యూజిక్ కంటెంట్, షార్ట్స్, సెర్చ్ లేదా బ్రౌజింగ్ సమయంలో యాడ్స్ కనిపించే అవకాశం ఉండొచ్చంటున్నారు.
