తెలంగాణ మహబూబాబాద్ జిల్లాలోని బయ్యారం అనే చిన్న గ్రామానికి చెందిన శివ కుమార్ అనే యువకుడు తన జీవితంలో ఒక ముఖ్యమైన ఘట్టానికి సిద్ధమయ్యాడు. మే 23న అతనికి వివాహం జరగాల్సి ఉంది. ఈ శుభ సందర్భాన్ని మరింత ప్రత్యేకంగా చేయాలనుకున్నాడు. అందుకే ప్రధానమంత్రి నరేంద్ర మోదీని తన వివాహానికి ఆహ్వానిస్తూ ఒక ఆహ్వాన పత్రికను పీఎం కార్యాలయానికి పంపాడు. ప్రధానమంత్రి నరేంద్ర మోడీ స్వయంగా నూతన దంపతులను ఆశీర్వదిస్తూ ఒక లేఖను పంపారు. ఆ లేఖలో మోడీ స్వయంగా సంతకం చేశారు. ఆ లేఖను అందుకున్న శివ కుమార్, అతని కుటుంబ సభ్యులు ఎంతో సంతోషించారు. "శివ కుమార్ మరియు అతని భార్య జీవితంలో కొత్త అధ్యాయాన్ని ప్రారంభించినందుకు నేను వారిని అభినందిస్తున్నాను. వారిద్దరూ కలకాలం సంతోషంగా ఉండాలని కోరుకుంటున్నాను" అని ప్రధానమంత్రి మోడీ అన్నారు. ఈ లేఖ శివ కుమార్, అతని కుటుంబ సభ్యులకు ఒక మరపురాని బహుమతిగా మిగిలిపోయింది. ఇది వారి జీవితంలో ఒక ప్రత్యేకమైన జ్ఞాపకంగా నిలిచిపోతుంది.
