ఢిల్లీలో తెలుగు దేశం పార్టీ ఎంపీలు ఏర్పాటు చేసిన మీడియా సమావేశంలో ఎంపీ లావు శ్రీకృష్ణదేవరాయలు మాట్లాడుతూ బడ్జెట్లో లేనివాటికి సైతం కేంద్రం సాయం చేస్తోందని, విశాఖ స్టీల్ప్లాంట్పై సీఎం చంద్రబాబు ప్రత్యేక దృష్టి పెట్టారని, కేంద్రం నుంచి 8 నెలల్లోనే రూ.లక్షల కోట్ల నిధులు వచ్చాయని వెల్లడించారు. వికసిత్ భారత్లో ఏపీ ముఖ్య పాత్ర పోషిస్తోందన్నారు. ''ఏపీ ఆర్థిక పరిస్థితి దారుణంగా ఉందని నీతి ఆయోగ్ చెప్పింది. 2023 నాటికి రెవెన్యూ గ్రోత్ చాలా పడిపోయింది. 2014-19 మధ్య రూ. వందలో రూ.59 ఖర్చు పెట్టాం. అదే 2019-24 మధ్య రూ.వందలో రూ.22.54 మాత్రమే ఖర్చు పెట్టారని నీతిఆయోగ్ తెలిపింది. ఏపీ పరిస్థితి మెరుగుపర్చేందుకు కృషి చేయాలని, విద్యాప్రమాణాలు పెంచే స్టార్స్ కార్యక్రమంలో ఏపీని కూడా చేర్చాలని కేంద్రాన్ని కోరాం. నదుల అనుసంధానానికి నిధులు ఇవ్వాలని కోరాం'' అని వివరించారు.
