షాపింగ్ చేసేటప్పుడు డబ్బు ఆదా చేయడం ఎలా అనే దానిపై ఎక్కువ దృష్టి పెడతాము. అది గృహోపకరణాలు, బట్టలు, నగలు లేదా ఆభరణాలు కావచ్చు. దేశంలోఐదు చౌకైన వస్త్ర మార్కెట్లున్నాయి. వీటిలో కేజీల ప్రాతిపదికన బట్టలు లభ్యమయ్యే బట్టల మార్కెట్ కూడా ఉంది
హైదరాబాదులో ఎర్రగడ్డ మార్కెట్ : ఈ మార్కెట్ గురించి తెలియని నగరవాసి ఉండరంటే అతిశయోక్తికాదు. ప్రతి ఆదివారం. ఎర్రగడ్డ మెట్రోస్టేషన్ నుంచి మొదలుకొని సనత్నగర్ పోలీస్స్టేషన్-ఇండస్ట్రియల్ ఏరియా-సనత్నగర్ టీ జంక్షన్ (ఫ్లైఓవర్) వరకు ఎన్నో రకాల దుకాణాలు వెలుస్తాయి. సుమారు రెండు కిలోమీటర్ల మేరకు జనాలు కిక్కిరిసిపోతారు. మరోవైపు సనత్నగర్ జెక్కాలనీ వైపు కూడా దుకాణాలు వెలుస్తాయి. ఉదయం 5 గంటల నుంచి మొదలుకొని సాయంత్రం 7 గంటల వరకు ఉండే ఈ దుకాణాలలో గుండు పిన్ను, బొట్టు బిల్లల మొదలుకొని బట్టలు, బెడ్షీట్లు, డ్రెస్లు, చెప్పులు, తాళాలు, సైకిళ్లు, వంట సామగ్రి వరకు దొరుకుతాయి. అంతేకాదు ఎలక్ట్రానిక్ పరికరాలు.. ఫోన్లు, చార్జర్స్,కంప్యూటర్లు, ఆడియో సౌండ్ సిస్టమ్స్, ఊఫర్లు,చేతి వాచీలు, కూలర్లు, మిక్సీలు, రీట్రేడింగ్ చేసిన టైర్లు సాధారణ ధరలకే లభ్యమవుతాయి.దాదాపు వందేండ్ల చరిత్ర ఉన్న ఈ మార్కెట్ పేదోడి అంగడిగా పేరు గాంచింది.
బెంగళూరులో సుజాత మార్కెట్ : బెంగళూరులోని శ్రీరామపురంలో సుజాత మార్కెట్ ఉంది. ఇక్కడ వ్యాపారులు టవల్స్, బెడ్షీట్ల నుంచి గుడ్డ, దారం వరకు అన్నీ తయారు చేస్తున్నారు. ఇక్కడ అన్నీ కిలోల లెక్కన అమ్ముతారు. డెనిమ్ షర్టు కిలో రూ.100కి దొరుకుతుంది. అయితే టాప్ స్టైల్ ఫ్యాషన్ దుస్తులు కిలో రూ. 200 కంటే ఎక్కువ ధరకు లభిస్తాయి.
కోల్కతాలోని బుర్రాబజార్ హోల్సేల్ గార్మెంట్ మార్కెట్ : బడా బజార్ కోల్కతాలోని పురాతన హోల్సేల్ మార్కెట్. స్థానికు లు బడా బజార్ను బోరో బజార్ మరియు బడా బజార్ అని కూడా పిలుస్తారు. బ్రిటిష్ కాలంలో, బారాబజార్ నగరంలో చక్కటి వస్త్ర, సాంప్రదాయ గౌను తయారీదారులకు ప్రసిద్ధి చెందింది. ఇది సోమవారం నుండి శనివారం వరకు ఉదయం 10 నుండి రాత్రి 9 వరకు తెరిచి ఉంటుంది.
ఢిల్లీలోని సరోజినీ నగర్ మార్కెట్ : సరోజినీ నగర్ ఢిల్లీ మాత్రమే కాదు, భారతదేశంలోని అత్యంత ప్రసిద్ధ మార్కెట్, ఇక్కడ బాలికల బట్టలు, నగలు మరియు బూట్లు మొదలైనవి అందుబాటులో ఉన్నాయి. సరోజినీ నగర్లో బల్క్ షాపింగ్ చాలా లాభదాయకంగా మరియు తక్కువ ధరలో దొరుకుతాయి.
జైపూర్కి చెందిన జోహ్రీ మరియు బాపూ బజార్ : జైపూర్లోని జోహ్రీ బజార్ అద్భుతమైన దుస్తుల సేకరణకు దేశవ్యాప్తంగా ప్రసిద్ధి చెందింది. ఈ మార్కెట్లో రాజస్థానీ దుస్తులు, లెహంగాలు, దుపట్టాలు, నగలు, బూట్లు మొదలైనవి లభిస్తాయి. బేరం చేసి చౌకగా కొనుగోలు చేయవచ్చు. బాపు బజార్ జోహ్రీ బజార్ సమీపంలో ఉంది, ఇక్కడ కూడా రాజస్థాన్ సాంప్రదాయ కళకు సంబంధించిన అందమైన వస్తువులను అమ్ముతారు.
కోల్కతాలోని జబ్బార్ గార్మెంట్ హాట్ : జబ్బర్ హాత్ ఆసియాలోనే అతిపెద్ద రెడీమేడ్ గార్మెంట్ హోల్సేల్ మార్కెట్. పెద్ద మొత్తంలో కొనుగోలు చేయాలనుకునే వ్యాపారులకు ఈ మార్కెట్ అనుకూలంగా ఉంటుంది. జబ్బర్ హాట్ చుట్టూ ప్రతిచోటా హోల్సేల్ దుకాణాలుంటారు. కొనుగోలుదారులను ఆకర్షించేందుకు ఇక్కడి దుకాణదారులు జబ్బర్ హాత్లో చౌక ధరలకు వస్తువులను విక్రయిస్తున్నారు.
