క్వాక్వెరెల్లి సైమండ్స్ విశ్లేషకులు విడుదల చేసిన ఒక ప్రకటన ప్రకారం, ర్యాంకింగ్స్ యొక్క తాజా ఎడిషన్ దాని అతిపెద్ద పద్దతి మెరుగుదలని అమలు చేసింది, స్థిరత్వం, ఉపాధి ఫలితాలు మరియు అంతర్జాతీయ పరిశోధన నెట్వర్క్ అనే మూడు కొత్త కొలమానాల ద్వారా ఇప్పటికే ఉన్న నిర్దిష్ట సూచికలు, విద్యాపరమైన ప్రతిష్ట, మరియు అధ్యాపక విద్యార్థుల నిష్పత్తి తదితర అంశాలను దృష్టిలో పెట్టుకొని ఈ ర్యాంకింగ్స్ ను జారీ చేశారు. క్యూఎస్ వరల్డ్ యూనివర్సిటీ ర్యాంకింగ్స్లో భారతీయ విశ్వవిద్యాలయాల పనితీరుపై కేంద్ర మంత్రి రాజీవ్ చంద్రశేఖర్ సంతోషం వ్యక్తం చేశారు. గత 9 ఏళ్లలో ప్రధాని మోదీ భారతదేశంలో విద్యా వ్యవస్థలో అద్భుతమైన మార్పులు తీసుకొచ్చారని.. నేడు దేశంలో యూనివర్సిటీలో ప్రపంచ స్థాయికి చేరుకున్నాయని అన్నారు. ఈ సంవత్సరం క్యూఎస్ వరల్డ్ యూనివర్సిటీ ర్యాంకింగ్స్లో 45 భారతీయ విశ్వవిద్యాలయాలు ర్యాంకింగ్స్లో చేరడం సంతోషంగా ఉందన్నారు. గత 9 సంవత్సరాలలో.. ప్రధాని మోదీ భారతదేశంలో విద్యను సమూలంగా మార్చారని.. నేడు భారతీయ విశ్వవిద్యాలయాలు ప్రపంచ స్థాయికి చేరుకున్నాయని కేంద్ర మంత్రి రాజీవ్ చంద్రశేఖర్ పేర్కొన్నారు. ఈ ర్యాకింగ్స్లో భారతీయ విశ్వవిద్యాలయాలు సంఖ్య గత తొమ్మిదేళ్లలో 297 శాతం పెరిగింది. భారతీయ విశ్వవిద్యాలయాలు తమ పనితీరును ఎప్పటికప్పుడు మెరుగుపరుచుకుంటున్నందుకు వారిని అభినందించాలనుకుంటున్నానని క్యూఎస్ ఫౌండర్, సీఈవో నన్జియో క్వాక్వారెల్లి పేర్కొన్నారు. తాము ఈ సంవత్సరం ర్యాంకింగ్ సిస్టమ్ కోసం 2900 సంస్థలను రేటింగ్ చేశామన్నారు. ర్యాంకింగ్లో 45 భారతీయ విశ్వవిద్యాలయాలు ఉన్నాయని తెలిపారు. గత తొమ్మిదేళ్లలో ఇండియాలో 297 శాతం పెరుగుదల ఉందన్నారు. భారతీయ విశ్వవిద్యాలయాల్లో నిరంతర, స్థిరమైన అభివృద్ధి ఉందని క్వాక్వారెల్లి పేర్కొన్నారు.
