బ్రిజ్ భూషణ్ శరణ్ సింగ్పై రెజ్లర్లు లైంగిక వేధింపుల ఆరోపణల ఆధారంగా ఢిల్లీ పోలీసులు రెండు ఎఫ్ఐఆర్లు మరియు 10 ఫిర్యాదులు దాఖలు చేశారు. ఢిల్లీలోని కన్నాట్ ప్లేస్ పోలీస్ స్టేషన్లో ఈ కేసులో నమోదు అయ్యాయి. రెండు ఎఫ్ఐఆర్ల ప్రకారం, డబ్ల్యుఎఫ్ఐ చీఫ్ లైంగిక ప్రయోజనాలను డిమాండ్ చేశారని ఆరోపించారు. ఇంకా, బ్రిజ్ భూషణ్ సింగ్పై కనీసం 10 వేధింపుల ఫిర్యాదులు కూడా నమోదయ్యాయి. డబ్ల్యుఎఫ్ఐ చీఫ్పై వచ్చిన ఫిర్యాదులలో అనుచితంగా తాకడం, అమ్మాయిల ఛాతీపై చేయి వేయడం, చేతిని ఛాతీపై నుంచి వెనుకకు తరలించడం, వెంబడించడం వంటి చర్యలను పేర్కొన్నారు. డబ్ల్యూఎఫ్ఐ చీఫ్పై ఈ ఫిర్యాదులు ఏప్రిల్ 21న నమోదయ్యాయని, అతనిపై రెండు ఎఫ్ఐఆర్లు ఏప్రిల్ 28న నమోదయ్యాయని పోలీసులు తెలిపారు. 354, 354(ఎ), 354(డి) మరియు 34 సెక్షన్ల కింద ఎఫ్ఐఆర్లు నమోదు చేయబడ్డాయి.. ఇవి మూడేళ్ల జైలు శిక్షకు కారణమవుతాయి. మొదటి ఎఫ్ఐఆర్లో ఆరుగురు ఒలింపియన్ల ఆరోపణలను పేర్కొనగా, రెండోది మైనర్ బాలిక చేసిన ఆరోపణలను ప్రస్తావించింది. బ్రిజ్ భూషణ్ సింగ్ చిత్రాన్ని క్లిక్ చేయాలనే సాకుతో తనను గట్టిగా పట్టుకున్నాడని మైనర్ తన ఫిర్యాదులో పేర్కొంది. అతను ఆమె భుజాన్ని నొక్కాడు. ఉద్దేశపూర్వకంగా ఆమెను అనుచితంగా తాకాడని సదరు మైనర్ క్రీడాకారిణీ చెప్పింది. మైనర్ తన ఫిర్యాదులో, తనను అనుసరించవద్దని రెజ్లింగ్ ఫెడరేషన్ ఆఫ్ ఇండియా చీఫ్ని స్పష్టంగా కోరినట్లు పేర్కొంది.
