రిజర్వ్ బ్యాంక్ ఆఫ్ ఇండియా రుణాల విషయంలో కొత్త నియమాన్ని రూపొందించాలని యోచిస్తోంది. కొత్త ఆర్బీఐ నిబంధన అమలు తర్వాత రుణదాతలు రుణం తిరిగి చెల్లించలేని వారి ఫోన్లను రిమోట్గా లాక్ చేస్తారు. అయితే ఇది వినియోగదారుల హక్కుల ఆందోళనలను పెంచే అవకాశం ఉంది. 2024లో హోమ్ క్రెడిట్ ఫైనాన్స్ నిర్వహించిన అధ్యయనంలో కీలక అంశాలు వెల్లడయ్యాయి. వినియోగదారులు మొబైల్ ఫోన్లు సహా ఎలక్ట్రానిక్స్లో మూడింట ఒక వంతు కంటే ఎక్కువగా రుణంపై కొనుగోలు చేస్తున్నట్లు తేలింది. టెలికాం నియంత్రణ సంస్థ ప్రకారం, 1.4 బిలియన్లకు పైగా జనాభా ఉన్న దేశంలో 1.16 బిలియన్లకు పైగా మొబైల్ కనెక్షన్లు ఉన్నాయి. గత సంవత్సరం భారత రిజర్వ్ బ్యాంక్ రుణదాతలను డిఫాల్ట్ చేసిన రుణగ్రహీతల ఫోన్లను లాక్ చేయడాన్ని ఆపమని కోరిందని వర్గాలు తెలిపాయి. రుణాలు జారీ చేసేటప్పుడు రుణగ్రహీతల ఫోన్లలో పరికరాన్ని లాక్ చేయడానికి ఒక యాప్ ఇన్స్టాల్ చేస్తారు. రుణదాతలతో చర్చించిన తర్వాత ఆర్బీఐ రాబోయే కొన్ని నెలల్లో ఫెయిర్ ప్రాక్టీస్ కోడ్ను అప్డేట్ చేయడంతో పాటు ఫోన్-లాకింగ్ విధానంపై మార్గదర్శకాలను జారీ చేయవచ్చు. ఆర్బీఐ రెండు విషయాలను నిర్ధారించుకోవాలనుకుంటోంది. మొదటిది రుణదాతలు ఫోన్ను లాక్ చేయడం ద్వారా రుణ మొత్తాన్ని తిరిగి పొందవచ్చు. రెండవది కస్టమర్ల డేటా కూడా సురక్షితంగా ఉంటుంది. ఎకనామిక్ టైమ్స్ నివేదిక ప్రకారం.. ఈ విషయంలో ఆర్బిఐ ప్రతినిధి ఇంకా ఎటువంటి సమాధానం ఇవ్వలేదు. ఆర్బీఐ ఈ నియమాన్ని అమలు చేస్తే బజాజ్ ఫైనాన్స్, డీఎంఐ ఫైనాన్స్, చోళమండలం ఫైనాన్స్ వంటి వినియోగదారు ఉత్పత్తులకు రుణాలు అందించే కంపెనీలకు ప్రయోజనం చేకూరుతుంది. ఇది రికవరీ అవకాశాలను పెంచుతుంది. క్రెడిట్ బ్యూరో సీఆర్ఐపీ హైమార్క్ ప్రకారం, రూ. 100,000 కంటే తక్కువ రుణాలు డిఫాల్ట్ అయ్యే ప్రమాదం ఎక్కువగా ఉంటుంది.
