దుబాయ్లో జరిగిన 'మోస్ట్ నోబుల్ నంబర్స్' ఛారిటీ వేలంలో VIP నంబర్ ప్లేట్ 'P 7' రికార్డు స్థాయిలో 55 మిలియన్ దిర్హామ్లకు (సుమారు రూ.122.6 కోట్లు) విక్రయించబడింది. ఈ ఈవెంట్ను ఎమిరేట్స్ వేలం నిర్వహించింది. 'వన్ బిలియన్ మీల్స్' ఈ క్యాంపెయిన్ కు మద్దతుగా నిలిచింది. 'P 7' కారు నంబర్ ప్లేట్ కోసం వేలం పాట 15 మిలియన్ AED వద్ద ప్రారంభమైంది. సెకన్లలోనే ఈ బిడ్డింగ్ 30 మిలియన్ AEDని దాటింది. టెలిగ్రామ్ యాప్ వ్యవస్థాపకుడు, యజమాని అయిన ఫ్రెంచ్ ఎమిరాటీ వ్యాపారవేత్త పావెల్ వాలెరివిచ్ డ్యూరోవ్ 35 మిలియన్ AED తో వేలం వేశారు. ఆ తర్వాత ఒక దశలో బిడ్డింగ్ కొంతసేపు ఆగిపోయి, చివరికి బిడ్డింగ్ 55 మిలియన్ దిర్హామ్ల వద్ద ముగిసింది. అయితే నంబర్ ప్లేలో ఎవరు గెలిచారనేది మాత్రం తెలియరాలేదు. జుమేరాలోని ఫోర్ సీజన్స్ హోటల్లో జరిగిన ఈ కార్యక్రమంలో అనేక ఇతర VIP నంబర్ ప్లేట్లు, ఫోన్ నంబర్లు కూడా వేలం వేయబడ్డాయి. వేలం నుంచి సుమారు 100 మిలియన్ దిర్హామ్లు ($27 మిలియన్లు) వసూలు అయ్యాయి. దీన్ని రంజాన్ సందర్భంగా ప్రజలకు ఆహారం ఇచ్చేందుకు ఉపయోగించనున్నారు. కార్ ప్లేట్లు, ప్రత్యేకమైన మొబైల్ నంబర్ల వేలంతో కలిపి మొత్తం 97.92 మిలియన్ దిర్హామ్లను వసూలు చేసింది. 2008లో ఒక వ్యాపారవేత్త అబుదాబి నంబర్ 1 ప్లేట్ను AED 52.22 మిలియన్లకు బిడ్ చేసినప్పుడు ఇప్పటికే ఉన్న రికార్డును అధిగమించాలని చాలా మంది బిడ్డర్లు కోరుకున్నారు. ఈ వేలం ద్వారా వచ్చిన డబ్బు మొత్తం ప్రపంచంలో ఆకలిని ఎదుర్కోవాలనే లక్ష్యంతో స్థాపించబడిన 'వన్ బిలియన్ మీల్స్' ప్రచారానికి అందజేయబడుతుంది. రంజాన్ స్ఫూర్తికి అనుగుణంగా వైస్ ప్రెసిడెంట్, దుబాయ్ పాలకుడు షేక్ మహమ్మద్ బిన్ రషీద్ ఈ విరాళాన్ని అందించారు.
