బంగ్లాదేశ్ పర్యటనలో టెస్టు సిరీస్ ఆడుతున్న పాక్ జట్టులోని కెప్టెన్ బాబర్ ఆజం, ఇమామ్-ఉల్-హక్ మధ్య వాగ్వాదం జరిగింది. ఇద్దరు ఆటగాళ్ల మధ్య గేమ్-ప్లే చర్చ ప్రారంభమైంది. దాని వీడియో ప్రస్తుతం సోషల్ మీడియాలో వైరల్గా మారింది. అయితే ఇది నిజమైన వాగ్వాదం కాదు. ఆటలో సరదాగా గొడవపడుతూ ఓ వీడియోను పంచుకున్నారు. నిజానికి రెండో టెస్టు రెండో, మూడో రోజు వర్షం కారణంగా రద్దయింది. మైదానంలో క్రికెట్ ఆడడం కుదరకపోవడంతో పాకిస్తాన్ ఆటగాళ్లు డ్రెస్సింగ్ రూమ్లో క్రికెట్ ఆట ప్రారంభించారు. ఈ సమయంలో, బాబర్ ఆజం ఒక బంతిని ఇమామ్-ఉల్-హక్కి వేశాడు. దాని తర్వాత అసలు రచ్చ మొదలైంది. బాబర్ ఆజం తన బంతికి ఇమామ్ ఔట్ అయ్యాడని అనుకున్నాడు. అయితే ఈ బ్యాట్స్మెన్ దానిని తిరస్కరించాడు. వీధి క్రికెట్లో లాగా రచ్చ మొదలైంది. ఈ వీడియోను పీసీబీ ట్విట్టర్ ఖాతాలో కూడా షేర్ చేసింది. పాకిస్తాన్ జట్టు సరదాగా ఆడుతూ గొడవ పడిన ఈ వీడియో సోషల్ మీడియాలో విపరీతంగా వైరలవుతోంది.
