దేశీయ మార్కెట్లో హెచ్ఎండీ కొత్త స్మార్ట్ఫోన్ హెచ్ఎండీ వైబ్ 5జీ విడుదల చేసింది. దీని ధర రూ. 10,000 కంటే తక్కువగా ఉంది. దీనిలో డ్యూయల్ రియర్ కెమెరా అందించారు. దీని ప్రైమరీ సెన్సార్ 50MPతో వస్తుంది. కెమెరా మాడ్యూల్ను కవర్ చేసే వెనుక ప్యానెల్పై నోటిఫికేషన్ లైట్ వస్తుంది. దీనితో పాటు కంపెనీ రెండు ఫీచర్ ఫోన్లను విడుదల చేసింది అందులో ఒకటి- HMD 101 4G కాగా మరొకటి HMD 102 4G ఉన్నాయి. ఈ రెండు హ్యాండ్సెట్లు 1000mAh బ్యాటరీ, 2-అంగుళాల QQVGA డిస్ప్లే, 32GB వరకు మెమరీ మద్దతుతో వచ్చాయి. దీని ప్రత్యేక ధర రూ.8,999 కు ప్రారంభించబడింది. ఈ స్మార్ట్ఫోన్ 6.67-అంగుళాల HD+ HID LCD డిస్ప్లేను కలిగి ఉంది. ఇది 90Hz రిఫ్రెష్ రేట్కు మద్దతు ఇస్తుంది. ఈ హ్యాండ్సెట్ 50MP ప్రైమరీ కెమెరా, 2MP సెకండరీ లెన్స్తో డ్యూయల్ రియర్ కెమెరా సెటప్తో వస్తుంది. ముందు భాగంలో సెల్ఫీలు, వీడియో కాల్ల కోసం కంపెనీ 8MP కెమెరాను అందించింది.18W ఛార్జింగ్కు మద్దతుతో 5000mAh బ్యాటరీని అందించింది. ఈ హ్యాండ్సెట్ 5G (9 బ్యాండ్లు) కనెక్టివిటీతో వస్తుంది. దీనికి Unisoc T760 ప్రాసెసర్ అందించారు. ఈ ఫోన్లో 4GB RAM + 128GB స్టోరేజ్ ఉన్నాయి. HMD 101 4G ఫోన్, HMD 102 4G ఫోన్ రెండూ 2-అంగుళాల QQVGA డిస్ప్లేను కలిగి ఉన్నాయి. దీనికి 1000mAh బ్యాటరీ అందించారు. ఈ హ్యాండ్సెట్ USB టైప్-C ఛార్జింగ్ పోర్ట్, బ్లూటూత్, డ్యూయల్ సిమ్ సపోర్ట్తో వస్తుంది. HMD 102 4Gలో మీకు QVGA కెమెరా అందించారు. ఇది ఫ్లాష్ లైట్తో వస్తుంది. హెచ్ఎండీ 101 4G ఫీచర్ ఫోన్ను కంపెనీ రూ.1899లకి విడుదల చేసింది. అదే సమయంలో HMD 102 4G ఫీచర్ ఫోన్ ధరను కంపెనీ రూ.2199గా నిర్ణయించింది. ఈ మూడు ఫోన్లను కంపెనీ అధికారిక వెబ్సైట్తో పాటు ప్రధాన రిటైల్ షాప్ల నుండి కొనుగోలు చేసుకోవచ్చు.
