50 ఏళ్ల పాటు హీరోగా నటించినందుకు బాలకృష్ణ పేరు వరల్డ్ బుక్ ఆఫ్ రికార్డ్స్లో నమోదు అయింది. యూకేకు చెందిన సంస్థ ఆయన పేరును గోల్డ్ ఎడిషన్లో చేర్చింది. హీరో నందమూరి బాలకృష్ణ హీరోగా సినిమాల్లోఎంట్రీ ఇచ్చి ఇటీవల 50 ఏళ్లు పూర్తి చేసుకున్నారు. ఈ 50 ఏళ్ల కాలంలో ఆయన ఎన్నో వైవిధ్యభరితమైన చిత్రాలు చేశారు. బాలనటుడిగా నందమూరి బాలకృష్ణ కొన్ని సినిమాల్లో నటించారు. తాతమ్మ కలతో ఆయన సినిమాల్లోకి తెరంగేట్రం చేశారు. తెలుగులో పౌరాణికం, ఫిక్షన్తో పాటు ఫ్యాక్షన్ బ్యాక్ డ్రాప్ సినిమాల్లో నటించి అరుదైన రికార్డు సాధించారు. ఈ మధ్యనే ఆయనకు కేంద్రప్రభుత్వం పద్మభూషణ్ అవార్డు ఇచ్చింది. తాజాగా వరల్డ్ బుక్ ఆఫ్ రికార్డ్స్కు కూడా బాలకృష్ణ ఎక్కారు. దీంతో ఫ్యాన్స్ ఫుల్ ఖుష్ అవుతున్నారు. రాజకీయ నాయకుడిగా కూడా బాలయ్యకు రికార్డు చరిత్రే ఉంది. హిందూపురం నుంచి వరుసగా మూడుసార్లు ఎమ్మెల్యేగా గెలిచారు.
