ప్రధాన్ మంత్రి జన్ ధన్ యోజన పథకం ప్రత్యేకత ఏమిటంటే దేశంలోని ప్రతి పౌరుడు ఈ పథకంలో దరఖాస్తు చేసుకోవచ్చు. దీని ప్రయోజనాలను పొందడానికి ఎటువంటి పరిమితి లేదు. ఈ పథకం లక్ష్యం ప్రతి పౌరుడికి బ్యాంకు ఖాతా కల్పించడం. తద్వారా వారు ఇతర ప్రభుత్వ పథకాల ప్రయోజనాలను పొందగలుగుతారు. ప్రధానమంత్రి జన్ ధన్ యోజన కింద ఖాతా తెరవడానికి కనీస బ్యాలెన్స్ నిర్వహించాల్సిన అవసరం లేదు. దీని కింద, ప్రతి వ్యక్తికి రూపే డెబిట్ కార్డ్ ఇస్తారు. ఈ కార్డు ద్వారా ప్రతి లబ్ధిదారుడు రూ. 2 లక్షల వరకు ప్రమాద బీమాను పొందుతాడు. దీనితో పాటు ఈ కార్డును సాధారణ డెబిట్ కార్డు లాగా కూడా ఉపయోగించవచ్చు. దీని ద్వారా నెలకు నాలుగు సార్లు డబ్బును విత్ డ్రా చేసుకోవచ్చు. బ్యాంకులో డబ్బు ఉన్నా లేకపోయినా , ఈ పథకం కింద రూ. 10,000 రుణం తీసుకోవచ్చు. రుణాన్ని సకాలంలో తిరిగి చెల్లిస్తే, మరో రూ. 10,000 రుణం లభిస్తుంది. ఇందులో ప్రాసెసింగ్ ఫీజు లేదు. సాధారణ బ్యాంకు ఖాతాలో పొందే వడ్డీనే దీనిపై కూడా పొందుతారు. బ్యాంక్ శాఖకు వెళ్లి అవసరమైన పత్రాలను అందించి ప్రధాన్ మంత్రి జన్ ధన్ యోజన ఖాతా తెరవవచ్చు.
