సెకన్కు 1.02 పెటాబిట్స్ వేగంతో డేటా పంపిణీ సాధించినట్లు జపాన్ పరిశోధకులు ప్రకటించారు. ఇది ప్రపంచంలో ఇప్పటివరకు నమోదైన అత్యంత వేగవంతమైన ఇంటర్నెట్ స్పీడ్గా గుర్తింపు పొందింది. ఈ సాంకేతికతతో 150 జీబీ డేటాను కేవలం ఒక సెకన్లో డౌన్లోడ్ చేయవచ్చు. ఉత్సాహవంతమైన ఈ విజ్ఞాన ప్రగతితో సినిమాలు, పాటలు, గేమ్స్, మరియు పెద్ద ఫైళ్లన్నీ క్షణాల్లో డౌన్లోడ్ చేయడం సాధ్యమవుతుంది. ఈ రికార్డు స్థాయి నెట్వర్క్ స్పీడ్ను జపాన్ నేషనల్ ఇన్స్టిట్యూట్ ఆఫ్ కమ్యూనికేషన్ టెక్నాలజీ, సుమితోమో ఎలక్ట్రిక్, మరియు యూరోపియన్ టెలికం భాగస్వాముల భాగస్వామ్యంతో అభివృద్ధి చేశారు. ఈ ఇంటర్నెట్ స్పీడ్ అమెరికాలోని సగటు ఇంటర్నెట్ స్పీడ్ కంటే 3.5 మిలియన్ల రెట్లు, భారత్లోని స్పీడ్ కంటే 16 మిలియన్ల రెట్లు వేగంగా ఉంది. ఒక వికీపీడియా సైట్ పరిమాణం దాదాపు 100GB కాగా, అది కేవలం ఒక క్షణంలోనే డౌన్లోడ్ అవుతుంది. ఈ నూతన ఇంటర్నెట్ స్పీడ్తో 8K వీడియోలు, నెట్ఫ్లిక్స్ లైబ్రరీ, లేదా ఎలాంటి హై క్వాలిటీ కంటెంట్ను కూడా క్షణాల్లో పూర్తిగా డౌన్లోడ్ చేసుకోవచ్చు. జపాన్ కొత్తగా ఆవిష్కరించిన ఈ నెట్ స్పీడ్ అమెరికాలో ఉన్న సగటు ఇంటర్నెట్ కనెక్షన్ల కంటే 3.5 మిలియన్ల రేట్లు కంటే ఎక్కువని జపాన్ నేషనల్ ఇనిస్టిట్యూట్ ఆఫ్ ఇన్ఫర్మేషన్ అండ్ కమ్యూనికేషన్ టెక్నాలజీ తెలిపింది. జపాన్ అధికారికంగా ప్రపంచ ఇంటర్నెట్ స్పీడ్ రికార్డును తుడిచిపెట్టింది, ప్రామాణిక ఫైబర్ ఆప్టిక్స్ ఉపయోగించి సెకనుకు 402 టెరాబిట్లను సాధించింది. అది మొత్తం నెట్ఫ్లిక్స్ లైబ్రరీని సెకను కంటే తక్కువ సమయంలో డౌన్లోడ్ చేసుకునేంత వేగంగా ఉంది.
