కమర్షియల్ గ్యాస్ సిలిండర్ల ధరలు వరుసగా నాలుగో నెల కూడా తగ్గాయి. ఇది హోటళ్లు, రెస్టారెంట్లు, టీ స్టాల్స్ నడిపే వారికి పెద్ద ఊరట లభించినట్లే. ఢిల్లీలో రూ.58.50 తగ్గి, ఇప్పుడు రూ.1665కి చేరింది. కోల్కతాలో రూ.57 తగ్గి రూ.1769కి, ముంబైలో రూ.58 తగ్గి రూ.1616.50కి, చెన్నైలో రూ.57.50 తగ్గి రూ.1823.50కి చేరుకుంది. హైదరాబాద్లో 19 కేజీల కమర్షియల్ సిలిండర్ ధర రూ.25.50 తగ్గి రూ.1,943.50కి చేరింది. ఇంట్లో వాడుకునే గ్యాస్ సిలిండర్ల ధరలలో మాత్రం ఈ నెల ఎలాంటి మార్పు లేదు. చివరిసారిగా ఏప్రిల్ 8న సిలిండర్కు రూ.50 పెరిగింది. ఆ తర్వాత నుంచి ధరలు స్థిరంగా ఉన్నాయి. ఢిల్లీలో దేశీయ గ్యాస్ సిలిండర్ ధర రూ.853గా ఉండగా, కోల్కతాలో రూ.879, ముంబైలో రూ.852.50, చెన్నైలో రూ.868.50గా ఉంది. హైదరాబాద్లో 14.2 కేజీల దేశీయ సిలిండర్ ధర రూ.905గా ఉంది.
