బీహార్లోని బోధ్గయ పోలీస్ స్టేషన్ పరిధిలోని బీఎంసీ-3 పరేడ్ గ్రౌండ్లో ఈ నెల 24న జరిగిన నియామక పరీక్షలో పాల్గొన్న ఓ మహిళ ఆ సమయంలో ఆమె స్పృహ కోల్పోయింది. దీంతో ఆమెను గ్రౌండ్ వద్ద నిలిపి ఉంచిన అంబులెన్స్లో హాస్పిటల్కు తరలిస్తుండగా అంబులెన్స్ డ్రైవర్, టెక్నీషియన్ అత్యాచారం చేశారని పోలీసులు తెలిపారు. సీనియర్ సూపరింటెండెంట్ ఆఫ్ పోలీస్ ఆనంద్ కుమార్ విడుదల చేసిన పత్రికా ప్రకటన ప్రకారం, మహిళా అభ్యర్థి పోలీసులకు దాడి గురించి సమాచారం అందించారు. ఆమె ఫిర్యాదు ఆధారంగా, అంబులెన్స్ డ్రైవర్ వినయ్ కుమార్ మరియు టెక్నీషియన్ అజిత్ కుమార్లను రెండు గంటల్లోనే అరెస్టు చేశారు. ఈ కేసును నిర్వహించడానికి బోధ్ గయ ఎస్డీపీఓ సౌరభ్ జైస్వాల్ నేతృత్వంలో ఒక ప్రత్యేక దర్యాప్తు బృందాన్ని ఏర్పాటు చేశారు. సాక్ష్యాలను సేకరించడానికి ఫోరెన్సిక్ బృందాన్ని పంపారు. ఆ ప్రాంతంలోని సీసీటీవీ ఫుటేజ్ నిందితులను గుర్తించడంలో సహాయపడింది. ఈ కేసు దర్యాప్తు జరుగుతోంది. త్వరలోనే చార్జ్షీట్ దాఖలు చేస్తామని సీనియర్ సూపరింటెండెంట్ ఆఫ్ పోలీసు తెలిపారు.
