డిప్రెషన్కు మనోవేదన, ఒత్తిడి, అనుకోని సంఘటనలు దారితీయొచ్చు. మానసిక ఆరోగ్యం మన శారీరక ఆరోగ్యానికి మౌలికమైనదే. డిప్రెషన్ను పూర్తిగా నివారించకపోయినా, దాన్ని తగ్గించేందుకు కొన్ని సహజమైన మార్గాలున్నాయని నిపుణులు అంటున్నారు. రోజుకు కనీసం 30 నిమిషాలు నడక, జాగింగ్ లేదా యోగా చేయడం వల్ల మానసికంగా రిలీఫ్ లభిస్తుంది. శరీరంలో ఎండార్ఫిన్స్ అనే "హ్యాపీ హార్మోన్లు" విడుదల అవుతాయి. అధికంగా లేదా తక్కువగా నిద్రపోవడం కూడా డిప్రెషన్కు కారణమవుతుంది. ప్రతి రోజు కనీసం 7-8 గంటల నిద్ర తీసుకోవాలి. నిద్రపోయే సమయం, లేవే సమయం ఒకేలా ఉండేలా చూసుకోవాలి. బాలెన్స్డ్ డైట్ తీసుకోవడం చాలా ముఖ్యం. ఒమేగా-3 ఫ్యాటి యాసిడ్లు, విటమిన్ బి12, మ్యాగ్నీషియం వంటి పోషకాలు మానసిక ఆరోగ్యానికి మంచివి. జంక్ ఫుడ్ను తగ్గించాలి. ఒంటరితనంతో ఉండకండి. నమ్మకమైన మిత్రులు లేదా కుటుంబ సభ్యులతో మాట్లాడండి. అవసరమైతే కౌన్సిలర్ను సంప్రదించడంలో ఏ చిన్న లోపమూ లేదు. ప్రతిరోజూ కనీసం 10 నిమిషాలు ధ్యానం చేయడం ద్వారా మానసిక ప్రశాంతత పొందవచ్చు. దీర్ఘ శ్వాసలు తీసుకోవడం, మైండ్ఫుల్ బ్రెథింగ్ టెక్నిక్స్ వాడటం చాలా ఉపయోగకరం. సంగీతం, చిత్రలేఖనం, వంట, చదవడం వంటివి చేస్తే మానసికంగా డైవర్షన్ లభిస్తుంది. లక్ష్యాన్ని ఏర్పరచుకొని రోజువారీ ప్రణాళికను పాటించడం వల్ల ఉత్సాహం పెరుగుతుంది.
