నిషేధిత సీపీఐ (మావోయిస్ట్) పార్టీకి చెందిన ఇద్దరు సీనియర్ నేతలు గురువారం రాచకొండ పోలీస్ కమిషనర్ ఎదుట లొంగిపోయారు. లొంగిపోయిన నాయకులను మేడ్చల్-మల్కాజిగిరి జిల్లా యాప్రాల్కు చెందిన మాల సంజీవ్ అలియాస్ అశోక్ అలియాస్ లెంగు దాదా (62), నాగర్కర్నూల్ జిల్లా వంకేశ్వరానికి చెందిన అతని భార్య పెరుగుల పార్వతి అలియాస్ బొంతల పార్వతి అలియాస్ దీనా (50)గా గుర్తించారు. ఇద్దరూ దండకారణ్య స్పెషల్ జోనల్ కమిటీ (డీకేఎస్జెడ్సీ) కింద రాష్ట్ర కమిటీ సభ్యులు (ఎసీఎం) హోదాను కలిగి ఉన్నారు. మావోయిస్టు సాంస్కృతిక విభాగం, చైతన్య నాట్య మంచ్ (సీఎన్ఎం)లో చురుకుగా ఉన్నారు. సంజీవ్ 1980లో విప్లవ గాయకుడు గద్దర్ ఆధ్వర్యంలో జన నాట్య మండలి (జెఎన్ఎం) ద్వారా మావోయిస్టు ఉద్యమంలో చేరారు. తరువాత సాయుధ విభాగంలో రాష్ట్ర కమిటీ సభ్యుడయ్యారు.
