తెలంగాణ రాష్ట్రంలోని హన్మకొండ జిల్లా శాయంపేట మండలం ఆరేపల్లికి చెందిన నితీష అనే యువతి, పత్తిపాకకి చెందిన మణిరాజ్‌ అనే యువకుడు ప్రేమలో పాడారు. పెద్దల ఒప్పందం లేకుండానే వారు వారం క్రితం పెళ్లి చేసుకుని ప్రేమను లీగల్ చేసేశారు. ఇక తమ భవిష్యత్తు గోల్గోల కాకుండా ఉండాలని, పోలీసులను ఆశ్రయించి రక్షణ కోరారు. శనిగరం గ్రామానికి చెందిన సముద్రాల బాలరాజు అనే వ్యక్తి, ప్రేమ జంటను తన ఇంట్లో ఆశ్రయం ఇచ్చాడు. ఈ సంగతి తెలుసుకొని యువతి బంధువులు 50 మంది ఒకేసారి బాలరాజు ఇంటిపై దాడి కి చేశారు. ఈ దాడి తర్వాత ప్రేమజంట నల్లబెల్లి పోలీస్ స్టేషన్‌కు పరుగులు పెట్టారు. బాలరాజు కూడా వారితో కలసి వచ్చాడు. పోలీసులు ఇరు కుటుంబాలను పిలిచి కౌన్సిలింగ్‌కు సిద్ధమవుతున్నారన్న సమయంలోనే మరోసారి యువతి బంధువులు మెరుపు దాడి చేశారు. ప్రేమజంటను ఈడ్చుకుపోయేందుకు ప్రయత్నిస్తూ, పోలీసులపై పూల కుండీలు విసిరేశారు. ఆందోళనలో ఇద్దరు మహిళా పోలీసులు గాయపడ్డారు వెంటనే వారిని ఆసుపత్రికి తరలించారు. దుగ్గొండి సీఐ సాయి రమణ స్వయంగా రంగప్రవేశం చేసి, ఘటనను విచారించారు. గుర్తింపు వచ్చిన కొందరిపై కేసులు నమోదయ్యాయి.పెళ్లయిన జంట మేజర్లే అయినా, కులాల వ్యవహారం మధ్యలో రావడంతో ఈ తంతుతో జఠిలమైంది. పెద్దల సమ్మతి లేకపోయినా ఇద్దరూ మేజర్లే కాబట్టి పోలీసులు జంటను రక్షించి సురక్షిత ప్రాంతానికి తరలించారు.
