టాటా మ్యూచువల్ ఫండ్ నుంచి న్యూ ఫండ్ ఆఫర్ టాటా నిఫ్టీ మిడ్ క్యాప్ 150 ఇండెక్స్ ఫండ్ వచ్చింది. ఈ ఫండ్ సబ్స్క్రిప్షన్ కోసం ఈరోజు ప్రారంభమై జూన్ 16, 2025 వరకు అందుబాటులో ఉంటుంది. ఒకేసారి పెట్టుబడి పెట్టాలనుకునే వారికి కేవలం రూ.5000 సరిపోతాయి. రూ.5 వేలు పెట్టి ఇందులో లంప్సమ్ ఇన్వెస్ట్మెంట్ చేయవచ్చు. ఆ తర్వాత రూ.1000 చొప్పున పెంచుకుంటూ ఎంతైనా ఇన్వెస్ట్ చేయవచ్చు. ఇక సిస్టమాటిక్ ఇన్వెస్ట్మెంట్ ప్లాన్ ద్వారా ఇన్వెస్ట్ చేయాలంటే నెలకు కనీసం రూ.100 ఇన్వెస్ట్ చేయాల్సి ఉంటుంది. ఆ తర్వాత ఎంతైనా ఇన్వెస్ట్ చేయవచ్చు. అయితే, టాటా నిఫ్టీ మిడ్ క్యాప్ 150 ఇండెక్స్ ఫండ్లో హైరిస్క్ ఉంటుందని టాటా ఏఎంసీ చెబుతోంది. ఇది ఒక ఓపెన్ ఎండెడ్ ఇండెక్స్ ఫండ్ స్కీమ్. ఈ ఫండ్ మేనేజర్ గా కపిల్ మెనన్ వ్యవహిస్తారని టాటా మ్యూచువల్ ఫండ్ తెలిపింది. నిఫ్టీ మిడ్ క్యాప్ 150 ఇండెక్స్ బెంచ్ మార్క్ ఇండెక్సుగా ఉంటుంది. దీర్ఘకాలంలో హైరిటర్న్స్ అందించడమే లక్ష్యంగా ఈ కొత్త ఫండ్ ఆఫర్ తీసుకొచ్చినట్లు టాటా ఏఎంసీ పేర్కొంది. అయితే, హైరిటర్న్స్ వస్తాయన్న గ్యారెంటీ ఏమీ ఉండదని, మార్కెట్ పరిస్థితులను బట్టి భవిష్యత్తు రాబడులు ఉంటాయని పేర్కొంది.
