గుజరాత్‌లోని ఖవ్దా వద్ద అదనంగా 275 మెగావాట్ల సోలార్ పవర్ ప్రాజెక్ట్‌ను ప్రారంభించడంతో మొత్తం పునరుత్పాదక ఇంధన ఉత్పత్తి సామర్థ్యం 12,260 మెగావాట్లకు పెరిగిందని అదానీ గ్రీన్ ఎనర్జీ లిమిటెడ్ శుక్రవారం తెలిపింది. సంస్థకు సంబంధించిన 12,258 MW పోర్ట్‌ఫోలియోలో 8,347 MW సౌర, 1,651 MW పవన, 2,260 MW పవన-సౌర హైబ్రిడ్ సామర్థ్యం ఉంది. 2030 నాటికి 50,000 మెగావాట్ల పునరుత్పాదక విద్యుత్‌ శక్తిని అందించాలనే అదానీ గ్రీన్ ఎనర్జీ లిమిటెడ్ కు సంబంధించిన నిబద్ధతను ఈ మైలురాయి నొక్కి చెబుతుంది. 12,260 MW ఆపరేషనల్ పోర్ట్‌ఫోలియో 62 లక్షల కంటే ఎక్కువ నివాసాలకు విద్యుత్తును అందిస్తుంది. ఇదే సమయంలో అదానీ గ్రీన్ ఎనర్జీ గుజరాత్‌లో కచ్‌లోని ఖవ్డా వద్ద బంజరు భూమిలో ప్రపంచంలోనే అతి పెద్దదైన 30 వేల మెగావాట్ల పునరుత్పాదక ఇంధన ప్లాంట్‌ను 538 చదరపు కి.మీ విస్తీర్ణంలో నిర్మిస్తోంది. ఈ ప్లాంట్‌ విస్తీర్ణం పారిస్‌ కంటే అయిదు రెట్లు, ముంబై నగరం కంటే దాదాపు ఎక్కువ. పూర్తయిన తర్వాత ఇది అన్ని విద్యుత్‌ ప్రాజెక్టుల్లో ప్రపంచంలోనే అతిపెద్ద పవర్ ప్లాంట్‌ అవుతుంది. అదానీ గ్రీన్ ఎనర్జీ లిమిటెడ్ ఇప్పటి వరకు ఖవ్దా వద్ద 2,824 మెగావాట్ల పునరుత్పాదక శక్తిని కలిగి ఉందని కంపెనీ తెలిపింది.
