బీఎన్సీ మోటర్స్ పెర్ఫెట్టో ఎలక్ట్రిక్ స్కూటర్ ను విడుదల చేసింది. ఇది క్లాసిక్ డిజైన్, అత్యాధునిక ఫీచర్లతో ఆకట్టుకుంటోంది. ఈ స్కూటర్ పాంగాంగ్ బ్లూ, నీలగిరి గ్రీన్, టోక్యో రెడ్, వెనెటో వైట్ కలర్స్ లో అందుబాటులో ఉంది. భారత్ లో దీని ధర రూ. 1.13 లక్షలు (ఎక్స్-షోరూమ్). ఈ నెలాఖరు నాటికి స్కూటర్ అందుబాటులోకి రానుంది. ఈ స్కూటర్ చేతక్ మాదిరిగానే నగర ప్రయాణాలకు అనుకూలంగా ఉంటుంది. దాని మెటల్ బాడీతో ప్రత్యేకంగా నిలుస్తుంది. పెర్ఫెట్టో ఎలక్ట్రిక్ స్కూటర్ సింగిల్ ఛార్జ్ తో 160కి.మీల దూరం ప్రయాణించగలదని కంపెనీ వెల్లడించింది. 3.7 సెకన్లలో 0-40 కిలోమీటర్ల వేగాన్ని అందుకుంటుంది. ఈ స్కూటర్ గంటకు 70 కిలోమీటర్ల గరిష్ట వేగంతో దూసుకెళ్తుంది. స్కూటర్లో వెనుకవైపు సింగిల్-సైడెడ్ షాక్ అబ్జార్బర్, టెలిస్కోపిక్ ఫ్రంట్ ఫోర్క్లు, కంబైన్డ్ బ్రేకింగ్ సిస్టమ్తో రెండు చివర్లలో డ్రమ్ బ్రేక్లు ఉన్నాయి. పెర్ఫెట్టో శ్రేణిలో పొడవైన ఫ్లోర్బోర్డ్ను కలిగి ఉంది, 750 మిమీ పొడవు గల సీటు, సీటు కింద 25-లీటర్ నిల్వ స్థలాన్ని కలిగి ఉంది. స్కూటర్ యొక్క బ్యాటరీ ప్యాక్ BNC ప్రత్యేకమైన Etrol 40 బ్యాటరీతో వస్తుంది.
