అమెరికాలోని వాషింగ్టన్ ఏవ్ లో గుర్తు తెలియని వ్యక్తులు కాల్పులు జరపగా హైదరాబాద్ కు చెందిన రవితేజ చనిపోయాడు. చైతన్య పురి పరిధిలోని అర్కేపురం గ్రీన్ హిల్స్ కాలనీ రోడ్ నెం. 2 నివాసం ఉంటున్న కొయ్యడ చంద్రమౌళి కుమారుడు రవితేజ 2022 మార్చిలో అమెరికాకు వెళ్లాడు. మాస్టర్స్ పూర్తి చేసి ఉద్యోగం కోసం ప్రయత్నాలు చేస్తున్నారు. రవితేజ మృతితో అర్కేపురంలోని అతని నివాసంలో విషాద ఛాయలు అలముకున్నాయి.
