ప్రపంచ కప్ టోర్నమెంట్ ప్రారంభమయ్యే వరకు అక్టోబర్ 4 న ఏర్పాటు చేసిన ప్రారంభ వేడుకలను బీసీసీఐ రద్దు చేసింది. ఇన్‌సైడ్ స్పోర్ట్ రిపోర్ట్‌ ప్రకారం, ముందుగా బీసీసీఐ ప్రారంభ వేడుకలను ప్లాన్ చేసింది. ఇందులో ఆశా భోంస్లే, రణవీర్ సింగ్, తమన్నా భాటియా, శ్రేయా ఘోషల్, శంకర్ మహదేవన్, అరిజిత్ సింగ్ వంటి స్టార్స్ ప్రారంభ వేడుకకు హాజరవుతారని ప్రకటించారు. అయితే, దైనిక్ జాగరణ్ తాజా నివేదికల ప్రకారం, బీసీసీఐ ఎటువంటి ప్రారంభ వేడుకలను నిర్వహించదని తెలుస్తోంది. అన్ని టీంల సారథులతో సమావేశం మాత్రమే నిర్వహించనున్నట్లు తెలుస్తోంది. ఆ సమయంలో లేజర్ షో ఉండవచ్చు. ఓపెనింగ్ సెర్మనీకి బదులుగా నవంబర్ 19న ముగింపు వేడుకను నిర్వహించాలని లేదా అక్టోబర్ 14న భారత్-పాకిస్థాన్ మ్యాచ్ కంటే ముందు ఘనంగా వేడుకను నిర్వహించాలని బీసీసీఐ యోచిస్తోందని అంటున్నారు. మొత్తం 10 జట్ల కెప్టెన్లు అక్టోబర్ 3న అహ్మదాబాద్ చేరుకుంటారు. ఇక్కడ సారథులతో సమావేశం మాత్రమే నిర్వహించనున్నట్లు తెలుస్తోంది. అయితే, ఈరోజు భారత్-నెదర్లాండ్స్, ఇతర జట్ల మధ్య వార్మప్ మ్యాచ్ ఉన్నందున, రోహిత్ శర్మతో సహా కొంతమంది కెప్టెన్లు అక్టోబర్ 4 ఉదయం అహ్మదాబాద్‌కు బయలుదేరనున్నట్లు సమాచారం.
