తెలంగాణలో అక్టోబర్ 1న ప్రధాన మంత్రి నరేంద్ర మోడీ పర్యటించబోతున్నారు. ఈ సందర్భంగా తెలంగాణలో రూ.13,500 కోట్లకు పైగా విలువైన బహుళ అభివృద్ధి కార్యక్రమాలకు శంకుస్థాపన చేసి జాతికి అంకితం చేయనున్నారు. మధ్యాహ్నం 2:15 గంటలకు ప్రధాని మహబూబ్నగర్ చేరుకుంటారు. బహిరంగ సభలో ప్రసంగిస్తారు. రోడ్డు, రైలు, పెట్రోలియం, సహజ వాయువు మరియు ఉన్నత విద్య వంటి రంగాలకు సంబంధించి వివిధ ప్రాజెక్టులకు శంకుస్థాపన చేస్తారు. ఈ కార్యక్రమంలోనే ప్రధాని వీడియో కాన్ఫరెన్స్ ద్వారా రైలు సేవలను కూడా జెండా ఊపి ప్రారంభిస్తారు. నాగ్పూర్-విజయవాడ ఎకనామిక్ కారిడార్లో భాగమైన కీలక రహదారి ప్రాజెక్టులకు శంకుస్థాపనతో సహా బహుళ రహదారి ప్రాజెక్టులకు ఆయన శంకుస్థాపన చేసి జాతికి అంకితం చేస్తారు. ప్రాజెక్ట్లలో NH-163G వరంగల్ నుండి ఖమ్మం వరకు 108 కి.మీ పొడవైన నాలుగు లేన్ యాక్సెస్ కంట్రోల్డ్ గ్రీన్ఫీల్డ్ హైవే, NH-163G ఖమ్మం నుండి విజయవాడ వరకు 90 కి.మీ పొడవు గల నాలుగు లేన్ యాక్సెస్ కంట్రోల్డ్ గ్రీన్ఫీల్డ్ హైవే ఉన్నాయి.
