వానా కాలం రాక అనేక ఆరోగ్య సమస్యలను కూడా తెచ్చిపెడుతుంది. సీజనల్ ఫ్లూ మాదిరిగానే వర్షాకాలంలో నీటి ద్వారా వచ్చే వ్యాధి కేసులు కూడా పెరుగుతాయి. వర్షాకాలంలో ముఖ్యంగా ఫంగస్ ఇన్ఫెక్షన్లు, అలర్జీలు, నీటి వల్ల వచ్చే అనారోగ్య సమస్యలు వస్తాయి. డెంగ్యూ, మలేరియా ఈ కాలంలో విస్తృతంగా ఉన్నప్పటికీ, కేరళలో మరోసారి ఎలుక జ్వరం (ర్యాట్ ఫీవర్) కేసులు పెరుగుతుండడం తీవ్ర ఆందోళనకు గురి చేస్తోంది. లెప్టోస్పిరోసిస్, దీన్నే ఎలుక జ్వరం అని పిలుస్తారు. ఇది జంతువులలో అభివృద్ధి చెందే అసాధారణ బ్యాక్టీరియా సంక్రమణం. ఇది సాధారణంగా ఎలుకలు, ఇతర జంతువులు లేదా కుక్కల మలం ద్వారా వ్యాపిస్తుంది. WebMD ప్రకారం, ఈ వ్యాధి సోకిన వారికి ఖచ్చితంగా అసౌకర్యంగా ఉంటుంది కానీ ప్రాణాపాయం కాదు. కేరళలో, ఇటీవల ఎలుకల జ్వరం కేసులు పెరగడం ప్రారంభమయ్యాయి. దాదాపు 50వేల మంది ఈ వ్యాధి బారిన పడ్డారు. ఎలుక జ్వరం లక్షణాలు సాధారణంగా అనిపించినప్పటికీ, కొంతమందిలో ఎటువంటి లక్షణాలు ఉండకపోవచ్చు. సీడీసీ ప్రకారం, లెప్టోస్పిరోసిస్ కిడ్నీ దెబ్బతినడం, మెనింజైటిస్ (మెదడు, వెన్నుపాము చుట్టూ ఉన్న పొర వాపు), కాలేయ వైఫల్యం, శ్వాసకోశ బాధలు లక్షణాలుగా ఉండవచ్చు. దీనికి సకాలంలో చికిత్స చేయకపోతే కొన్ని సార్లు మరణానికి కూడా సంభవించవచ్చు. వికారం, విరేచనాలు, వాంతులు, పొత్తి కడుపు నొప్పి, తలనొప్పి, అధిక జ్వరం, దద్దుర్లు, కామెర్లు, కళ్ల రంగు మారుతుంది, ఎక్కువగా ఎరుపు రంగులో ఉండవచ్చు. డెంగ్యూ, ఎలుక జ్వరంతో పాటు వివిధ జ్వరాల కారణంగా రాష్ట్రవ్యాప్తంగా పెద్ద సంఖ్యలో ఆస్పత్రులకు క్యూ కడుతున్నారు. రాష్ట్ర ఆరోగ్య అథారిటీ సిఫార్సు ప్రకారం ప్రజలు సొంత వైద్యం, మందులను ఉపయోగించకుండా వైద్య సలహాను పొందాలని సూచిస్తున్నారు. ఎలుక జ్వరం దాదాపు రెండు వారాల పాటు ఉండే అవకాశం ఉంది. https://t.me/offerbazaramzon
