కరోనరీ హార్ట్ డిసీజ్ అనేది గుండెపోటుకు అత్యంత సాధారణ కారణం. ఇది ప్రాణాంతకమైనది. అదృష్టవశాత్తూ గుండె జబ్బు యొక్క అతి పెద్ద ప్రమాద కారకాల నియంత్రణ అన్నది మన చేతుల్లోనే ఉంది. వాటి గురించి తప్పనిసరిగా తెలుసుకోవాల్సిన అవసరం ఉంది. ఈ ప్రమాద కారకాలన్నింటికీ దూరంగా ఉండటంతోపాటు, జీవనశైలిలో కొన్ని మార్పులను చేసుకోవటం వల్ల గుండె జబ్బులు , గుండెపోటు బారిన పడకుండా నిరోధించవచ్చు. గుండె జబ్బులకు అధిక రక్తపోటు ప్రధాన ప్రమాద కారకం. ధమనులు, ఇతర రక్త నాళాలలో ప్రవహించే రక్తం యొక్క ఒత్తిడి చాలా ఎక్కువగా ఉన్నప్పుడు గుండె పోటు వస్తుంది. అలాగే గుండెతోపాటుగా, మూత్రపిండాలు, మెదడు , ఇతర ప్రధాన అవయవాలను ప్రభావితం చేస్తుంది. వైద్యుల సూచనమేరకు ఆరోగ్యకరమైన జీవనశైలి మార్పులతోపాటు, మందులతో రక్తపోటును నియంత్రణలో ఉంచుకోవాలి. రోజువారీగా ఆల్కహాల్ అధిక మోతాదులో తాగడం వల్ల రక్తపోటు తాత్కాలికంగా పెరుగుతుంది. ఈ అధిక రక్తపోటు కాలక్రమేణా గుండె కండరాలపై ఒత్తిడిని కలిగిస్తుంది, ఇది చివరకు హృదయ సంబంధ వ్యాధులు, గుండెపోటు మరియు స్ట్రోక్ ప్రమాదాన్ని కలిగిస్తుంది. శారీరక శ్రమ లేకపోవడం వంటి నిశ్ఛలమైన జీవనశైలి వల్లకూడా గుండె జబ్బుల బారిన పడే ప్రమాదం ఉంది. శారీరక శ్రమ లేకపోవడం వల్ల ఊబకాయం, అధిక రక్తపోటు, అధిక రక్త కొలెస్ట్రాల్, టైప్ 2 మధుమేహం వంటి ఇతర గుండె జబ్బులను కలిగించే అవకాశాలు ఉంటాయి. ఉప్పు, కొవ్వు,చక్కెరలు అధికంగా ఉన్న అనారోగ్యకరమైన ఆహారం శరీరంలో కొలెస్ట్రాల్ స్థాయిలను పెంచుతుంది. గుండెతో సహా ధమనుల గోడలలో అదనపు కొలెస్ట్రాల్ ఏర్పడేలా చేస్తుంది. ధమనులను గట్టిపరుస్తుంది. గుండెకు రక్త ప్రసరణను తగ్గిస్తుంది. చివరకు గుండెపోటు ప్రమాదానికి గురయ్యేలా చేస్తుంది. ధూమపానం గుండె ఆరోగ్యానికి చాలా హానికరం. ఇది రక్త నాళాలలో ఫలకం ఏర్పడటాన్ని పెంచడం ద్వారా గుండె జబ్బులు వచ్చే ప్రమాదాన్ని పెంచుతుంది. గుండెకు రక్త ప్రసరణను తగ్గిస్తుంది. గుండెపోటు ప్రమాదాన్ని పెంచుతుంది.
