హైదరాబాద్ లో ఓయూ పోలీసు స్టేషన్ పరిధిలో మద్యం మత్తులో కారు నడిపిన యువకులు బీభత్సం సృష్టించారు. హబ్సిగూడలో ఆటోను కారు ఢీకొట్టింది. ఈ ఘటనలో ఆటో నుజ్జునుజ్జు అయింది. ఘటన సమయంలో ఆటోలో నలుగురు ప్రయాణిస్తున్నారు. ఆటోలో ఉన్న నలుగురిలో డ్రైవర్ పరిస్థితి విషమంగా ఉంది. ఘటనా స్థలికి చేరుకున్న పోలీసులు గాయపడినవారిని గాంధీ ఆస్పత్రికి తరలించారు. ఘటనపై కేసు నమోదు చేసి దర్యాప్తు చేస్తున్నారు.
