సంప్రదాయ వ్యవసాయం కాకుండా ఎంతో మంది ఆధునిక వ్యవసాయం చేస్తూ లక్షలాది రూపాయలు ఆర్జిస్తున్నారు. చాలా మంది ఔషధ మొక్కలు, సుగంధ ద్రవ్యాల పంటలు, పువ్వులు మొదలైన వాటి సాగు ప్రారంభించి లక్షల రూపాయలు సంపాధించుకుంటున్నారు. బే ఆకు సాగు కూడా చాలా లాభదాయకమైన వ్యాపారం. కమర్షియల్‌ పద్ధతిలో బే ఆకు సాగు చేస్తే, తక్కువ శ్రమతో, తక్కువ ఖర్చుతో భారీ లాభాలు పొందవచ్చు.ఈ సాగు కు అయ్యే ఖర్చులకు ప్రభుత్వం సబ్సిడీ కూడా ఇస్తుంది. ఈ ఆకు సాగుకు సులభంగా ప్రారంభించవచ్చు. 4 నుంచి 6 మీటర్ల దూరంలో నాణ్యమైన బే ఆకు మొక్కలను నాటాలి. లైన్ నుండి లైన్ మధ్య కూడా తగినంత దూరం ఉంచాలి. క్రమం తప్పకుండా నీటిని అందించాల్సి ఉంటుంది. బే ఆకు మొక్కలు చిన్నగా ఉన్నంత వరకు, మధ్యలో ఉన్న ఖాళీ స్థలంలో కూరగాయలను నాటడం ద్వారా అదనపు ఆదాయాన్ని పొందవచ్చు.ప్రభుత్వం ఈ సాగుకు 30 శాతం సబ్సిడీ కూడా అందిస్తుంది. ఒక బే లీఫ్ మొక్క నుంచి ఏడాదికి 5 వేల వరకూ పొందవచ్చు. 25 బే మొక్కలను నాటితే, ఏటా 75 వేల నుండి 1 లక్ష 25 వేల వరకు సంపాదించవచ్చు. ఎక్కువ మొక్కలు నాటితే ఆదాయం పెరుగుతుంది. ఆదాయం మార్కెటింగ్ వ్యూహంపై కూడా ఆధారపడి ఉంటుంది. ఉత్పత్తిని మధ్యవర్తి లేకుండా విక్రయిస్తే ఎక్కువ లాభం లభిస్తుంది. కస్టమర్లు ఎక్కువగా ఉంటే, ఇతర రైతుల నుంచి ఆకులను తీసుకొని వాటిని విక్రయించడం ద్వారా వ్యాపారాన్ని పెంచుకొని మరింత ఆదాయాన్ని పెంచుకోవచ్చు.
