ఛత్తీస్గఢ్లోని రాజ్నంద్గావ్ జిల్లాలో దారుణం జరిగింది. పదకొండో తరగతి చదువుతున్న బాలికపై ఓ ప్రభుత్వ ఉపాధ్యాయుడు అత్యాచారానికి పాల్పడ్డాడు. ఈనెల 2న జరిగిన ఈ ఘటన ఆలస్యంగా వెలుగులోకి వచ్చింది. ఇందుకు సంబంధించి కేసు నమోదు చేసిన పోలీసులు నిందితుడిని అరెస్ట్ చేశారు. డిసెంబరు 2న నిందితుడు ఎడ్యుకేషనల్ ట్రిప్కు తీసుకెళ్తానంటూ బాధితురాలిని బలవంతంగా కారులోకి ఎక్కించుకున్నాడు. ఒక నిర్మానుష్య ప్రాంతంలో కారు ఆపి ఆమెపై అత్యాచారానికి పాల్పడ్డాడు. ఈ విషయం బయటకు తెలిస్తే అత్యాచారం చేస్తానని బాధితురాలి అక్కను కూడా బెదిరించాడు. ఈ ఘటన గురించి బాధితురాలి తల్లిదండ్రులకు సోమవారం తెలిసింది. వెంటనే పోలీసులకు ఫిర్యాదు చేయగా పోక్సో చట్టం కింద కేసు నమోదు చేసి నిందితుడిని అరెస్ట్ చేశారు.
