విజయదశమి సందర్భంగా ప్రధాన మంత్రి నరేంద్ర మోడీ శుక్రవారం ఏడు కొత్త ప్రభుత్వ రక్షణ సంస్థలను ప్రారంభించారు. అవి మ్యూనిషన్స్ ఇండియా లిమిటెడ్, ఆర్మర్డ్ వాహనాల కార్పొరేషన్ లిమిటెడ్, అధునాతన ఆయుధాలు, సామగ్రి ఇండియా లిమిటెడ్, ట్రూప్ కంఫోర్ట్స్ లిమిటెడ్, యంత్ర ఇండియా లిమిటెడ్, ఇండియా ఆప్టెల్ లిమిటెడ్, గ్లైడర్స్ ఇండియా లిమిటెడ్. రక్షణ మంత్రిత్వ శాఖ నిర్వహించిన కార్యక్రమంలో వర్చువల్ గా పాల్గొన్న ప్రధాని ఆర్డినెన్స్ ఫ్యాక్టరీ బోర్డు స్థానంలో ఏర్పాటు చేసిన ఏడు ఆయుధ కర్మాగారాలను జాతికి అంకితం ఇచ్చారు. ఈ సందర్భంగా ప్రధాని మోడీ మాట్లాడుతూ కొత్త భవిష్యత్తును నిర్మించడానికి భారతదేశం కొత్త తీర్మానాలను తీసుకుందని తెలిపారు. రక్షణ రంగంలో అనేక ప్రధాన సంస్కరణలు జరిగాయని, స్తబ్దత విధానాలకు బదులుగా సింగిల్ విండో సిస్టమ్ ఏర్పాటు చేయబడిందని అన్నారు. గత ఏడేండ్లలో మేక్ ఇన్ ఇండియా అనే మంత్రంతో ఆధునిక సైనిక పరిశ్రమను నిర్మించడానికి భారతదేశం కృషి చేసిందని అన్నారు. రక్షణ పరికరాల ఉత్పత్తిలో భారత్ స్వయంసమృద్ధి సాధించడానికి సింగిల్ విండో విధానాలను తీసుకువచ్చినట్టు చెప్పారు. స్వయం సమృద్ధిని సాధించడం కోసం 41 ఆయుధ కార్మాగారాలను ఏడు పరిశ్రమలుగా మార్చినట్లు స్పష్టం చేశారు.
