కాగ్నిజెంట్ సంస్థ అర్హత కలిగిన ఉద్యోగుల్లో 80% మందికి జీతాల పెంచింది. ఇది సీనియర్ అసోసియేట్ స్థాయి వరకు ఉన్న ఉద్యోగులకు వర్తిస్తుంది. ఈ పెంపు నవంబర్ 1 నుంచి అమలులోకి వస్తుందని సంస్థ తెలిపింది. భారత్లో ఉన్న ఉద్యోగుల్లో అత్యుత్తమ పనితీరు కనబరిచిన వారికి ఒక అంకెలో అధిక జీతాల పెంపు ఉంటుందని కంపెనీ ప్రతినిధి తెలిపారు. ఈ జీతాల పెంపు పూర్తిగా ఉద్యోగుల వ్యక్తిగత పనితీరు రేటింగ్, వారు పనిచేస్తున్న దేశంపై ఆధారపడి ఉంటుందని కంపెనీ స్పష్టం చేసింది. కాగ్నిజెంట్ రెండవ త్రైమాసికంలో బలమైన ఆర్థిక ఫలితాలను సాధించడం, ఆదాయం 8.1% పెరగడం, నికర లాభం 14% పెరగడం వంటి అంశాల నేపథ్యంలో ఈ నిర్ణయం తీసుకుంది. అంతకుముందు, ఈ ఏడాది ప్రారంభంలో కాగ్నిజెంట్ తన ఉద్యోగులకు గత మూడు సంవత్సరాల్లో ఎన్నడూ లేని విధంగా అత్యధిక బోనస్లను చెల్లించినట్లు కూడా పేర్కొంది.
