తిరుమల లోని అన్ని ప్రాంతాలకు వెళ్లేందుకు మహిళలకు టీటీడీ ఉచిత బస్సు సౌకర్యం కల్పించనుంది. మహిళలకు తిరుమలలో ఆర్టీసీ బస్సు ప్రయాణం సౌకర్యం ఉచితంగా అందుబాటులోకి తీసుకువస్తున్నట్లు తిరుమల తిరుపతి దేవస్థానం ఈవో శ్యామలరావు తెలిపారు. ఈ ఉచిత బస్సు సర్వీసు తొలి దశలో 150 బస్సులను అందుబాటులోకి తీసుకురానున్నట్లు టీటీడీ అధికారులు వెల్లడించారు. తిరుమల గిరులపై వివిధ ప్రాంతాలకు వెళ్లే ప్రయాణంలో మహిళలకు భద్రత, సౌకర్యం కల్పించాలన్నదే ఈ పథకం ఉద్దేశం. భక్తుల కోసం అనేక సేవలను అందిస్తున్న టీటీడీ, ఇప్పుడు మహిళలకు ప్రత్యేకంగా ఉచిత బస్సు సేవలను అందించడంతో ఇది ప్రజల్లో మంచి స్పందనను పొందనుంది. అవసరాన్ని బట్టి మరిన్ని బస్సులను తరువాతి దశల్లో అందుబాటులోకి తేవాలని టీటీడీ భావిస్తోంది. ఆలయ ప్రాంగణంలో చిన్న ప్రయాణాలకు ప్రైవేట్ వాహన నిర్వాహకులు అధిక ఛార్జీలు వసూలు చేస్తున్నారని భక్తుల నుండి పెరుగుతున్న ఫిర్యాదులను పరిష్కరించే లక్ష్యంతో ఈ చర్య తీసుకున్నట్లు టిటిడి ఎగ్జిక్యూటివ్ ఆఫీసర్ (ఇఓ) జె శ్యామలరావు తెలిపారు.
