తమిళనాడులో ఎలక్ట్రానిక్స్ తయారీ సేవల సంస్థ డిక్సన్ టెక్నాలజీస్ రూ.1,000 కోట్లతో పర్సనల్ కంప్యూటర్స్, ల్యాప్టాప్లు తయారీకి సంబంధించిన యూనిట్ ఏర్పాటు చేయనుంది. తమిళనాడు ప్రభుత్వంతో ఈ రోజు ఒక అవగాహన ఒప్పందంపై సంతకం చేసిందికాంచీపురం జిల్లాలోని ఒరగడం వద్ద ఏర్పాటు చేయనున్న ఈ కర్మాగారం వల్ల ఈ ప్రాంతంలో 5,000 ఉద్యోగులకు ఉపాధి కలగనుందని అంచనా వేస్తున్నట్లు రాష్ట్ర ప్రభుత్వం తెలిపింది. ఒప్పందం ప్రకారం, డిక్సన్ టెక్నాలజీస్ చెన్నైకు దక్షిణంగా 45 కి.మీ దూరంలో ఉన్న ఒరగడంలోని ఇండోస్పేస్ ఇండస్ట్రియల్ పార్క్లో కంప్యూటర్స్కు సంబంధించిన ఉత్పత్తులను తయారు చేయనుంది. ఈ కర్మాగారం ల్యాప్టాప్లు, పర్సనల్ కంప్యూటర్ల ఉత్పత్తితో పాటు ఇతర కంపెనీలకు ఎలక్ట్రానిక్ తయారీ సేవలను కూడా అందిస్తుంది. ఈ రోజు సచివాలయంలో తమిళనాడు ముఖ్యమంత్రి ఎం.కె. స్టాలిన్, పరిశ్రమల మంత్రి టి.ఆర్.బి. రాజా సమక్షంలో డిక్సన్ టెక్నాలజీస్ ఎగ్జిక్యూటివ్ చైర్మన్ సునీల్ వాచానీ, వైస్ ప్రెసిడెంట్ పృథ్వీ వాచానీ నేతృత్వంలోని ఉన్నతాధికారులు తమిళనాడు నోడల్ ఇన్వెస్ట్మెంట్ ప్రమోషన్ ఏజెన్సీ గైడెన్స్ ఎండీ & సీఇఓ డేరెజ్ అహ్మద్తో పత్రాలను మార్పిడి చేసుకున్నారు. 1993లో స్థాపించబడిన డిక్సన్ టెక్నాలజీస్ శామ్సంగ్, షియామి, మోటరోలా, boAt, పానాసోనిక్, టీసీఎల్ టెక్నాలజీస్, వన్ప్లస్ వంటి వివిధ కంపెనీలకు కాంట్రాక్ట్ తయారీ సేవలను అందిస్తోందని ప్రభుత్వం ఒక పత్రికా ప్రకటనలో తెలిపింది.
