IOS 18.3, iPadOS 18.3 ఫైనల్ బీటా వెర్షన్లు ఇటీవల విడుదల కావడంతో iPhone SE 4, iPad 11, కొత్త iPad Air 7 లాంచ్ త్వరలోనే జరగనుందని సమాచారం. సోషల్ మీడియాలో నమ్మకమైన సోర్స్ ద్వారా వెల్లడైన ఈ సమాచారం ప్రకారం, ఈ కొత్త డివైసులు iOS 18.3 లేదా iPadOS 18.3 ప్రీ-ఇన్స్టాల్డ్తో మార్కెట్లోకి వచ్చే అవకాశాలున్నాయి. వచ్చే iOS 18.4 విడుదలకు ముందు మార్చి లేదా ఏప్రిల్లో ఈ డివైసులు లాంచ్ అయ్యే అవకాశం ఉందని అంచనా. MacRumors నివేదిక ప్రకారం, ఈ లీక్ ఇచ్చిన వ్యక్తి గతంలో సరిగ్గా iOS సమాచారం అందించినట్లు గుర్తించారు. కానీ ఇప్పటికీ లాంచ్ తేదీపై స్పష్టత లేనప్పటికీ, ఆపిల్ ఈ కొత్త డివైసులు విడుదల చేసేందుకు ప్రణాళికలో ఉన్నట్లు తేలింది. iPhone SE 4కి iPhone 14 లేదా iPhone 16కు సమానమైన డిజైన్ ఉంటుందని, 6.1-అంగుళాల OLED డిస్ప్లే, Face ID, USB-C పోర్ట్, 48 మెగాపిక్సెల్ రియర్ కెమెరా వంటి ఫీచర్లను కలిగి ఉంటుందని సమాచారం. అదనంగా, ఈ ఫోన్లో తాజా A-సిరీస్ చిప్, 8GB RAM, ఆపిల్ తయారు చేసిన తొలి 5G మోడెమ్ ఉండే అవకాశం ఉంది. iPad 11 A17 ప్రో చిప్తో వస్తుందని, 8GB RAM ద్వారా అధునాతన ఆపిల్ ఇంటెలిజెన్స్ ఫీచర్లకు మద్దతు ఇస్తుందని లీక్ తెలియజేస్తుంది. iPad Air మోడల్స్లో M3 లేదా M4 చిప్ ఉంటుందని రెండు వేర్వేరు లీక్లు సూచిస్తున్నాయి. అదనంగా, కొత్త మేజిక్ కీబోర్డ్స్ ఈ డివైసులతో విడుదలయ్యే అవకాశముంది. 2025లో ఆపిల్ తొలిసారి విడుదల చేయబోయే ప్రొడెక్ట్స్లో 13-అంగుళాల, 15-అంగుళాల MacBook Air మోడల్స్ ఉంటాయని భావిస్తున్నారు. వీటిలో కొత్త M4 చిప్ ఉండే అవకాశముంది. ఈ లీక్ సమాచారం ప్రకారం, ఆపిల్ తన కొత్త డివైసుల లాంచ్కు సిద్ధమవుతోంది. iPhone SE 4, iPad 11, iPad Air 7 ఆధునిక ఫీచర్లతో సాంకేతిక రంగంలో కొత్త మైలురాయిని చేరుకునే అవకాశం ఉంది.
