హైదరాబాద్లోని పలు ప్రాంతాల్లో భారీ వర్షం పడింది. రానున్న మూడు రోజుల పాటు రాష్ట్రవ్యాప్తంగా పలు చోట్ల వర్షాలు పడే అవకాశం ఉందని హైదరాబాద్లోని వాతావరణ కేంద్రం తెలిపింది. వర్షం పడడంతో భాగ్యనగర వాసులు కాస్త ఉపశమనం పొందారు. నగరంలోని పాతబస్తీ, చార్మినార్, బహదుర్పురా, యాకుత్పురా, చాంద్రాయణగుట్ట, బార్కస్, ఫలక్నుమా ప్రాంతాల్లో భారీ వర్షం పడింది. కోఠి, అబిడ్స్, బేగంబజార్, నాంపల్లి, బషీర్బాద్, లక్డీకాపూల్, హిమాయత్నగర్, ట్యాంక్బండ్, ఆసిఫ్నగర్, మెహిదీపట్నం, మాసాబ్ట్యాంక్, బోరబండ, మోతినగర్, ఎర్రగడ్డ, సనత్నగర్, మధురానగర్, యూసుఫ్గూడ, అమీర్పేట, ఎస్ఆర్నగర్, పంజాగుట్ట, జూబ్లీహిల్స్, బంజారాహిల్స్, నిజాంపేట, బాచుపల్లి, గండి మైసమ్మ, కృష్ణాపూర్, దుండిగల్, కేపీహెచ్బీ, మైత్రివనం, మాదాపూర్, కీసర, మల్కాజిగిరి, ఖైరతాబాద్ ప్రాంతాల్లో భారీ వర్షం కురిసింది. కుత్బుల్లాపూర్, జీడిమెట్ల, బాలనగర్, గుండ్ల పోచంపల్లి, బహదూర్పల్లి, సూరారం, సుచిత్ర, జగద్గిరి గుట్ట ప్రాంతాల్లో ఈదురు గాలులతో కూడిన వర్షం కురిసింది. పంజాగుట్ట, ఖైరతాబాద్ ప్రధాన రహదారిపై ట్రాఫిక్ నిలిచిపోయింది. ఖైరతాబాద్ రైల్వేగేట్ వద్ద రోడ్డుపై భారీగా వర్షపు నీరు నిలిచింది. దీంతో వాహనాలు నెమ్మదిగా కదులుతున్నాయి. యూసఫ్గూడ, శ్రీకృష్ణానగర్, పూర్ణ టిఫిన్ సెంటర్ వీధిలోని దుకాణాల్లోకి వరద నీరు చేరుకుంది. కుంభవృష్ఠిగా నాగారంలో వర్షం కురిసింది. ఈసీఐఎల్లో రోడ్లు చెరువులను తలపిస్తున్నాయి. విజయనగర్ కాలనీలో ఇళ్లలోకి చేరిన వర్షపు నీటితో కాలనీవాసులు ఇబ్బందులు పడుతున్నారు.
