2002 గ్రోదా అనంతరం జరిగిన అల్లర్ల కేసుల్లో అమాయకులను ఇరికించేందుకు సాక్ష్యాధారాలను కల్పించారనే ఆరోపణకు సంబంధించిన కేసులో సామాజిక కార్యకర్త తీస్తా సెతల్వాద్ తక్షణమే లొంగిపోవాలని గుజరాత్ హైకోర్టు ఆదేశించింది. బెయిల్ పిటిషన్ను గుజరాత్ హైకోర్టు శనివారం తిరస్కరించింది. గుజరాత్ అల్లర్ల కేసులో ప్రత్యేక దర్యాప్తు బృందానికి తప్పుడు సమాచారం ఇచ్చారన్న ఆరోపణలపై ఆమెను గుజరాత్ ఉగ్రవాద నిరోధక బృందం (ఏటిఎస్) గతేడాది జూన్ 25వ తేదన అరెస్టు చేసింది. ఆమెతోపాటు మాజీ డైరెక్టర్ జనరల్ ఆఫ్ పోలీస్ ఆర్బి శ్రీకుమార్ని కూడా గుజరాత్ పోలీసులు కస్టడీలోకి తీసుకున్నారు. పోలీసు రిమాండ్ ముగిసిన తర్వాత కోర్టు జులై 2వ తేదీ వారిని జ్యుడిషియల్ కస్టడీకి పంపింది. ఈ కేసులో సుప్రీంకోర్టు తీస్తా సెతల్వాద్కి సెప్టెంబర్లో మధ్యంతర బెయిల్ మంజూరు చేసింది. ప్రస్తుతం మధ్యంతర బెయిల్పై జైలు బయట ఉన్న ఆమె తక్షణమే లొంగిపోవాలని గుజరాత్ హైకోర్టు ఉత్తర్వులు జారీ చేసింది.
