హర్యానాకు చెందిన బాలుడు తాను ధరించిన షూ నుండి విజిల్ విడిపోవడంతో దానిని మింగేశాడు. విజిల్ మింగిన వెంటనే, బాలుడు దగ్గటం ప్రారంభించాడు. అది అతని కుడి శ్వాసనాళంలో ఇరుక్కుపోయి, ఊపిరి పీల్చుకోలేకపోయాడు. తల్లిదండ్రులు అతన్ని ఎయిమ్స్కు తరలించారు. ఎయిమ్స్ డైరెక్టర్ డాక్టర్ ఎం శ్రీనివాస్, డాక్టర్ మిను బాజ్పాయ్, డాక్టర్ ప్రబుద్ గోయెల్తో కూడిన వైద్యుల బృందం 60 నిమిషాల పాటు శస్త్రచికిత్స నిర్వహించి విజయవంతంగా బయటకి తీశారు. "అతను బాగా దగ్గుతున్నాడు, శ్వాస తీసుకోవడంలో ఇబ్బంది పడ్డాడు, అతను దగ్గుతున్నప్పుడు, అతను తన ఊపిరితిత్తులలో చిక్కుకున్న విజిల్ నుండి వెలువడే విజిల్ శబ్దాలను కూడా ఉత్పత్తి చేస్తున్నాడు" అని పీడియాట్రిక్ సర్జరీ విభాగంలో అసిస్టెంట్ ప్రొఫెసర్ డాక్టర్ గోయెల్ చెప్పారు. తల్లిదండ్రులు తమ పిల్లలకు ఇచ్చే బొమ్మలను లేదా ఆహార పదార్థాలను మింగడం, అది వారి గొంతులో కూరుకుపోయిన ఘటనలు చాలా చోటు చేసుకుంటున్నాయి. ఢిల్లీ ఎయిమ్స్లో ప్రతి సంవత్సరం ఇలాంటి 100 కేసులు నమోదవుతున్నాయని వైద్యులు తెలిపారు.
