థెప్లా లేకుండా గుజరాతీ భోజనం అసంపూర్ణంగా ఉంటుంది. శనగపిండి, కసూరి మెంతి, పెసరపప్పు, పలురకాల గింజలు, నువ్వులను దీనిని తయారు చేయడానికి ఉపయోగిస్తారు. గుజరాత్ ప్రజలు ఉదయం సాయంత్రం అల్పాహారంలో టీతో దీనిని ఇష్టంగా తింటారు.
ఖాండ్వి చాలా ప్రసిద్ధ గుజరాతీ వంటకం. శనగ పిండి,పెరుగు ఉపయోగిస్తారు. అంతే కాకుండా ఆవాలు, కరివేపాకు, జీలకర్ర, కొబ్బరి తురుముతో గార్నిష్ చేస్తారు.. ఖాండ్వీ చిన్నా ,పెద్దా అనే తేడాల్లేకుండా అందరూ ఇష్టపడుతుంటారు. ఆరోగ్యం దృష్ట్యా ఇది ఆరోగ్యకరమైన అల్పాహారంగా కూడా పరిగణిస్తారు.
ఖమాన్ తయారీకి శనగ పిండిని ఉపయోగిస్తారు. దీనిని చిన్న ఘనాలగా కట్ చేసి కొత్తిమీర ఆకులు, ఆవాలు, తరిగిన ఉల్లిపాయలు,సెవ్లతో అలంకరించి పుల్లని చట్నీ, పచ్చిమిర్చితో సర్వ్ చేస్తారు.
ఖఖ్రా గుజరాతీ వంటకాలలో ప్రధానమైంది. ఇది మత్ బీన్, గోధుమ పిండి, నూనెతో తయారు చేస్తారు. సాధారణంగా దీనిని అల్పాహారం సమయంలో వడ్డిస్తారు.
ఉండీయును పలురకాల కూరగాయల కలిపి వండే వంటకం.ఇది సూరత్లో ఎక్కువగా దొరికే ప్రత్యేకమైన వంటకం. ఈ వంటకం పేరు గుజరాతీ పదం "ఉంధు" నుంచి వచ్చింది, దీనిని తలక్రిందులు అంటారు, ఎందుకంటే ఈ వంటకం సాంప్రదాయకంగా మట్టి కుండలలో భూగర్భంలో తలక్రిందులుగా వండుతారు, దీనిని "మట్లు" అని పిలుస్తారు.
