గురుగ్రామ్లోని సైబర్ సిటీలో వీధి కుక్కలకు ఆహారం ఇచ్చిన ఓ మహిళపై దాడి జరిగింది. సదరు మహిళను పక్కింటి వ్యక్తి రోడ్డుపై వెంబడించి కొట్టాడు. ఈ క్రమంలో మహిళకు తీవ్ర గాయాలు కాగా, తాను పోలీసులను ఆశ్రయించగా, అందుకు విరుద్ధంగా పోలీసులు తనను తిట్టడం ప్రారంభించారని మహిళ ఆరోపించింది. నిందితుడు పొరుగువాడు పోలీసుల సమక్షంలోనే తనపై ఉమ్మివేసాడని మహిళ చెప్పింది. పోలీసులు చర్యలు తీసుకోకపోవడంతో బాధిత మహిళ పీపుల్ ఫర్ యానిమల్స్ అధినేత మేనకా గాంధీకి ఫిర్యాదు చేయగా, పోలీసులు రంగంలోకి దిగి బాధిత మహిళను వైద్య చికిత్స నిమిత్తం ఆస్పత్రికి తరలించారు. బాధితురాలు మారుతి విహార్ ప్రాంతంలో దాదాపు ఒక సంవత్సరం నుంచి నివసిస్తోంది. ఆమెకు వీధికుక్కలకు ఆహారం ఇచ్చే అలవాటు ఉంది. శనివారం రాత్రి వీధికుక్కలకు ఆహారం ఇస్తుండగా, చుట్టుపక్కల ఉన్న కుటుంబ సభ్యులు తనను అలా చేయకుండా అడ్డుకున్నారని బాధితురాలు తెలిపింది. ఇరుగుపొరుగు కుటుంబాల వారు వీధికుక్కలను కర్రలతో కొట్టడం ప్రారంభించిందని మహిళ చెప్పింది. ఆమె నిరసన వ్యక్తం చేయడంతో నిందితుడి కుటుంబం ఆమెతో గొడవకు దిగింది. నిందితులు తన ప్రైవేట్ భాగాలపై మాత్రమే దాడి చేశారని మహిళ ఆరోపించింది. రాజీకి రావాలని నిందితులు తనపై ఒత్తిడి తెస్తున్నారని బాధితురాలు ఆరోపించింది. రాజకీయ ఒత్తిళ్లు సృష్టిస్తున్నారని, అలాగే కేసు పెడితే ఇల్లు ఖాళీ చేయాలని ఇంటి యజమానిపై ఒత్తిడి తెస్తున్నారు. ఇలాంటి పరిస్థితుల్లో తనకు న్యాయం చేయాలని బాధితురాలు పోలీసు ఉన్నతాధికారులను ఆశ్రయించింది.
