ప్రముఖ గల్ఫ్ దేశమైన సౌదీ అరేబియా తమ జాతీయ గీతం, జాతీయ జెండా విషయంలో కీలక నిర్ణయం తీసుకుంది. తమ జాతీయ గీతం, జాతీయ జెండాను మార్చాలని యోచిస్తోంది. ఆ దేశంలోని కీలకమైన షురా కౌన్సిల్ జాతీయ గీతం, జాతీయ జెండాలో మార్పులకు అనుకూలంగా ఓటు వేసింది. అయితే కౌన్సిల్ నిర్ణయాలు ప్రస్తుత చట్టాలు లేదా నిర్మాణాలపై ఎటువంటి ప్రభావం చూపబోవు. కానీ దాని నిర్ణయం ముఖ్యమైనదిగా పరిగణించబడుతుంది. ఎందుకంటే ఈ కౌన్సిల్ సభ్యులు సౌదీ అరేబియా రాజుచే నియమించబడతారు. వారి నిర్ణయాలు తరచుగా దేశంలోని అగ్ర నాయకత్వంతో చర్చించబడతాయి. తాజా నిర్ణయానికి సంబంధించి షురా పరిషత్ వివరణాత్మక సమాచారం ఇవ్వలేదు. షురా కౌన్సిల్లో ఆమోదం పొందిన తర్వాత, సవరణ ఇప్పుడు కింగ్ సల్మాన్కు తుది ఆమోదం కోసం సమర్పించబడుతుంది. సౌదీ అరేబియా యువరాజు మహ్మద్ బిన్ సల్మాన్ నాయకత్వంలో దేశంలోని అనేక రంగాల్లో కొత్త మార్పులు, సంస్కరణలకు శ్రీకారం చుడుతున్నారు. ఇందుకు తన తండ్రి షా సల్మాన్ నుంచి పూర్తి సహకారం అందుతోంది. మతం ద్వారా పూర్తిగా నిర్వచించబడని జాతీయ సాంస్కృతిక గుర్తింపుతో ఇస్లాం స్థానంలో సౌదీ అరేబియా గుర్తింపును పునర్నిర్వచించడానికి యువరాజు ప్రయత్నిస్తున్నారు. ప్రస్తుతం సౌదీ అరేబియా జాతీయ గీతం అన్-నసీద్ అల్-వతానీ అస్-సౌదీ. ఇది 1984లో ఇబ్రహీం అల్-ఖఫాజీ సాహిత్యంతో గుర్తింపు పొందింది. దీని అసలు స్వరకర్త అబ్దుల్ రెహమాన్ అల్-ఖతీబ్. ఆయన 1947లో దీనిని రూపొందించారు. దీని వాయిద్య వెర్షన్ తర్వాత సెరాజ్ ఒమర్ చేత ఏర్పాటు చేయబడింది. దీని సాహిత్యంలో దేశం గొప్పతనాన్ని కాంక్షిస్తూ జెండాను ఎగురవేయాలని తెలిపారు. సౌదీ అరేబియా తన జాతీయ రంగుగా, జెండా రంగుగా ఆకుపచ్చని రంగును ఎంచుకుంది. 1952లో షూరా కౌన్సిల్ జెండాకు కొత్త కొలతలు, మార్పులను ఆమోదించింది మరియు 1973లో ప్రభుత్వం ఫ్లాగ్ కోడ్ను ఆమోదించింది. అయితే ప్రస్తుతం సౌదీ అరేబియా జాతీయ గీతం, జెండా మార్పు చేయాలనే నిర్ణయం ఎప్పటిలోగా అమలులోకి వస్తుందన్న దానిపై క్లారిటీ రావాల్సి ఉంది.
