ఆంత్రోపిక్ చీఫ్ టెక్నాలజీ ఆఫీసర్ గా రాహుల్ పాటిల్ ని నియమించింది. ఇప్పుడు రాహుల్ పాటిల్ ఆంత్రోపిక్ లో ఇంజినీరింగ్ విభాగానికి నాయకత్వం వహించనున్నారు. ఇందులో ఇన్ఫెరెన్స్, ప్రొడక్ట్స్, ఇన్ఫ్రాస్ట్రక్చర్, సెక్యూరిటీ వంటి ముఖ్య విభాగాలు ఉంటాయి. ఆయన స్థానంలో ఉన్న సహ-వ్యవస్థాపకుడు సామ్ మెక్కాండ్లిష్ ఇప్పుడు కంపెనీలో చీఫ్ ఆర్కిటెక్ట్ అనే కొత్త పాత్రలోకి మారుతున్నారు. లింక్డ్ఇన్లో రాహుల్ పాటిల్ మాట్లాడుతూ, ఏఐ రంగంలో అవకాశాలు చాలా పెద్దవి అన్నారు. ఈ అవకాశాలను నిజం చేయడం ఒక అద్భుతమైన ప్రయాణం అవుతుందని చెప్పారు. అలాగే, ఈ పెద్ద మార్పు సమయంలో ప్రతిరోజూ జాగ్రత్తగా నిర్ణయాలు తీసుకోవడం చాలా ముఖ్యం అని చెప్పారు. బాధ్యతాయుతంగా ఏఐను ఉపయోగించడం ద్వారానే విజయాన్ని సాధించవచ్చని ఆయన పేర్కొన్నారు. ఆంత్రోపిక్ లో చేరకముందు రాహుల్ పాటిల్ ఫిన్టెక్ కంపెనీ Stripe లో సుమారు ఐదున్నర సంవత్సరాలు పని చేశారు. ఆయన సీటీఓగా కంపెనీ ఇంజినీరింగ్ టీమ్కి, గ్లోబల్ ఆపరేషన్స్కి నాయకత్వం వహించారు. దానికి ముందు ఒరాకిల్ క్లౌడ్, అమెజాన్ వెబ్ సర్వీసెస్, మైక్రోసాఫ్ట్ అజూర్ వంటి పెద్ద టెక్ కంపెనీల్లో కూడా ముఖ్యమైన బాధ్యతలు చేపట్టారు. పాటిల్ బెంగళూరులోని పీఈఎస్ యూనివర్సిటీ నుంచి కంప్యూటర్ సైన్స్లో బ్యాచిలర్ డిగ్రీ పూర్తి చేశారు. తరువాత అరిజోనా స్టేట్ యూనివర్సిటీ నుంచి మా
