ఉదాహరణకు "హే కోపైలట్, మై క్రోసాఫ్ట్ ఎక్సెల్ ఓపెన్ చేయి". "హే కోపైలట్, రేపు మీటింగ్ రిమైండర్ పెట్టు"అని చెప్పగానే ఏఐ వెంటనే స్పందిస్తుంది. ఈ ఫీచర్ను మొదటగా విండోస్ ఇన్సైడర్ ప్రోగ్రామ్ వినియోగదారులకు అందుబాటులో ఉంచారు. ఆ తరువాత అన్ని వినియోగదారులకు దశలవారీగా రోలౌట్ అవుతుంది. కోపైలట్ ఇప్పుడు కేవలం టెక్స్ట్ లేదా వాయిస్ ఆదేశాలతో మాత్రమే కాకుండా స్క్రీన్పై కనిపించే కంటెంట్ను కూడా అర్థం చేసుకోగలదు. ఉదాహరణకు బ్రౌజర్లో ఒక చార్ట్ తెరిచి ఉన్నప్పుడు "ఈ డేటా ఏ సంవత్సరం చూపిస్తోంది?" అని అడిగితే, కోపైలట్ ఆ చార్ట్ని విశ్లేషించి సమాధానం ఇస్తుంది. ఈ విజన్ సామర్థ్యం ద్వారా వినియోగదారులు ఏ యాప్లో ఉన్నా, ఏ ఫైల్ తెరిచి ఉన్నా, కోపైలట్ తక్షణ సహాయం అందించగలదు. మైక్రోసాఫ్ట్ ప్రకారం, ఈ ఫీచర్ ప్రపంచవ్యాప్తంగా అందుబాటులో ఉంటుంది.
మైక్రోసాఫ్ట్ ఇంకొక ఆసక్తికరమైన మార్పు చేసింది. ఇప్పటివరకు విజన్ ఫీచర్ వాయిస్ ఆధారితంగా పనిచేసేది. కానీ ఇప్పుడు వినియోగదారులు టెక్స్ట్ ద్వారా కూడా విజన్తో సంభాషించగలరు. దీంతో వాయిస్ ఉపయోగించకూడదనుకునే వినియోగదారులు కూడా ఏఐ సామర్థ్యాలను సౌకర్యవంతంగా ఉపయోగించుకోగలరు. ఇది ప్రధానంగా ఆఫీస్ వాతావరణంలో లేదా నిశ్శబ్ద ప్రదేశాల్లో పనిచేసే వారికి మంచిగా ఉంటుంది. మైక్రోసాఫ్ట్ కొత్తగా 'Copilot Actions' అనే ప్రయోగాత్మక ఫీచర్ను పరిచయం చేసింది. దీని ద్వారా కోపైలట్ డిజిటల్ అసిస్టెంట్ మాత్రమే కాకుండా, పర్సనల్ మేనేజర్ గా మారుతుంది. రెస్టారెంట్ రిజర్వేషన్లు బుక్ చేయడం, కిరాణా సామాగ్రి ఆర్డర్ చేయడం, మీటింగ్ షెడ్యూల్ చేయడం, ఇమెయిల్ రాయడం లేదా సమాధానం ఇవ్వడం. ఈ ఫీచర్ ప్రారంభ దశలో పరిమిత అనుమతులతో పనిచేస్తుంది. వినియోగదారులు అనుమతించిన రిసోర్సులకు మాత్రమే కోపైలట్ ప్రాప్యత కలిగి ఉంటుంది.
మైక్రోసాఫ్ట్ గేమింగ్ విభాగాన్ని కూడా విస్మరించలేదు. కొత్తగా పరిచయం చేసిన 'Gaming Copilot' ఫీచర్ ఇప్పుడు ఎక్స్బాక్స్ అల్లీ కన్సోల్లలో అందుబాటులో ఉంది. దీనిలో గేమ్ చిట్కాలు, వ్యూహాలు, లెవెల్ గైడెన్స్, గేమ్ ప్రోగ్రెస్ ఆధారంగా సూచనలు వున్నాయి. దీంతో గేమింగ్ అనుభవం మరింత వ్యక్తిగతమై, ఇంటరాక్టివ్గా మారుతుంది. గూగుల్, మెటా తమ ఏఐ సొల్యూషన్లను డివైజ్లు, బ్రౌజర్లు, యాప్స్లో సమీకరిస్తుండటంతో, మైక్రోసాఫ్ట్ కూడా కోపైలట్ వినియోగాన్ని పెంచేందుకు వేగంగా దృష్టి సారిస్తోంది.
