సెప్టెంబర్ 22 నుండి తగ్గించిన జీఎస్టీ అమల్లోకి వస్తుంది. దీని కారణంగా ఇప్పుడు దేశంలో అత్యధికంగా అమ్ముడైన బైక్ హీరో స్ప్లెండర్, స్కూటర్ హోండా యాక్టివా వంటి బైక్ల ధరలపై ప్రత్యక్ష ప్రభావం చూపుతుంది. 350 సిసి కంటే తక్కువ ఇంజిన్లు కలిగిన బైక్లపై కేంద్రం జీఎస్టీ 28% నుండి 18% కి తగ్గించింది. దీని కారణంగా సామాన్యులకు ఇష్టమైన బజాజ్ పల్సర్ లేదా హోండా యాక్టివా వంటి బైక్లు మునుపటి కంటే చౌకగా మారతాయి. రాయల్ ఎన్ఫీల్డ్ వంటి క్రూయిజర్ బైక్లపై ఇప్పుడు 40 శాతం జిఎస్టి వసూలు చేస్తోంది. గతంలో వీటిపై 28 శాతం జిఎస్టి, 3-5 శాతం సెస్ విధించేవారు. ఇది మొత్తం 32 శాతం పన్ను. ఇప్పుడు సెస్ తొలగించింది. 40 శాతం ఫ్లాట్ టాక్స్ విధిస్తుంది. ప్రభుత్వ ఈ నిర్ణయం మధ్యతరగతి ప్రజలకు ఉపశమనం కలిగించడమే కాకుండా ఆటోమొబైల్ పరిశ్రమకు కొత్త ఊపునిస్తుంది. మీడియా నివేదికల ప్రకారం రాబోయే పండుగల సమయంలో ద్విచక్ర వాహనాల అమ్మకాలు మరింత పెరుగుతాయి. ఢిల్లీలో హీరో స్ప్లెండర్ ప్లస్ ఎక్స్-షోరూమ్ ధర ప్రస్తుతం రూ. 79,426. ఈ బైక్పై జీఎస్టీలో దాదాపు 10 శాతం తగ్గింపు అమలు చేస్తే దాని ధర రూ. 7,900 తగ్గించవచ్చు. బైక్ ఎక్స్-షోరూమ్ ధరతో పాటు ఇందులో ఆర్టీఓ ఛార్జీలు రూ. 6,654, బీమా ప్రీమియం రూ. 6,685, ఇతర ఛార్జీలు దాదాపు రూ. 950 ఉన్నాయి. ఇవన్నీ కలిపితే ఢిల్లీలో స్ప్లెండర్ ప్లస్ ఆన్-రోడ్ ధర దాదాపు రూ. 93,715 కి చేరుకుంటుంది.
