థాయిలాండ్లోని వాట్ ఫో చాలా ప్రసిద్ధి చెందిన ఆలయం. వాట్ ఫో ఆలయంలో బుద్ధుని శయన విగ్రహం ఉంది. ఈ ఆలయాన్ని రిక్లైనింగ్ బుద్ధ ఆలయం అని కూడా పిలుస్తారు. ఈ ఆలయం థాయిలాండ్లోని బ్యాంకాక్లోని ఫ్రా నఖోన్ జిల్లాలో గ్రాండ్ ప్యాలెస్కు దక్షిణంగా రత్తనకోసిన్ ద్వీపంలో ఉంది. ఈ ఆలయం థాయిలాండ్లోని అతి ముఖ్యమైన ఆలయాలలో ఒకటిగా కూడా పరిగణించబడుతుంది. ఈ ఆలయ నిర్మాణ పనులు ఎప్పుడు ప్రారంభమయ్యాయి? దీని స్థాపకుడు ఎవరు? అనే విషయం గురించి ఖచ్చితమైన సమాచారం లేదు. అయితే ఈ ఆలయ నిర్మాణం 16వ శతాబ్దంలో ప్రారంభమైందని చెబుతారు. ఆలయంలో ప్రవేశించాలంటే డబ్బులు చెల్లించాలి. వాట్ ఫో ఆలయంలో వెయ్యికి పైగా బుద్ధుని విగ్రహాలు ఉన్నాయి. ఆలయం లోపల చాలా పెద్ద మైదానం ఉంది. ఈ ఆలయంలో వందకి పైగా అందంగా చెక్కబడిన స్థూపాలు ఉన్నాయి. ఈ స్థూపాలన్నీ వేర్వేరు పరిమాణాలలో ఉంటాయి. ఆలయంలో ఒక చిన్న మ్యూజియం కూడా ఉంది. ఈ ఆలయం ప్రతిరోజూ ఉదయం ఎనిమిది గంటల నుంచి సాయంత్రం ఆరు గంటల వరకు తెరిచి ఉంటుంది. ఈ ఆలయాన్ని సందర్శించడానికి మన దేశ కరెన్సీలో 250 రూపాయలు చెల్లించాలి. ఈ ఆలయంలోకి ప్రవేశించాలంటే ప్రత్యేక దుస్తుల కోడ్ను పాటించాలి. పురుషులు ప్యాంటు, పొడవాటి చేతుల చొక్కాలు ధరించి ఆలయంలోకి వెళ్లి బుద్ధుడిని సందర్శించవచ్చు. మహిళలు మోకాలి కింద వరకు ఉండే దుస్తులు ధరించి ఆలయంలోకి ప్రవేశించాల్సి ఉంటుంది. బుద్ధుడు పడుకుని తన చివరి సందేశాన్ని ఇచ్చాడని బౌద్ధుల నమ్మకం. విషపూరితమైన ఆహారం తిని బుద్ధుడు నేలపై పడుకుని తన శరీరాన్ని విడిచి పెట్టాడు. బుద్ధుడు తన చివరి సందేశాన్ని ఈ రూపంలో ఇచ్చాడు. బుద్ధుని శయన విగ్రహాన్ని మహాపరినిర్వాణ ముద్ర అని కూడా అంటారు. ఇది ప్రపంచానికి శాంతి, జ్ఞానం, నిర్మాణం సందేశాన్ని అందిస్తుంది.
