పాకిస్తాన్లోని నైరుతి బలూచిస్థాన్ ప్రావిన్స్లోని క్వెట్టా నుంచి ఖైబర్ పఖ్తుంఖ్వాలోని పెషావర్కు వెళ్తుండగా కాల్పులు జరిగినట్లు రైల్వే అధికారులు తెలిపారు. తీవ్రవాద వేర్పాటువాద సంస్థ బలూచ్ లిబరేషన్ ఆర్మీ ఈ దాడికి బాధ్యత వహించింది. భద్రతా దళాలతో సహా రైలులోని ప్రజలను బందీలుగా పెట్టుకున్నట్లు ఒక ప్రకటనలో తెలిపింది. 120 మంది ప్రయాణికులను బందీలుగా చేసి, ఆరుగురు సైనిక సిబ్బందిని హతమార్చినట్లు బలూచ్ లిబరేషన్ ఆర్మీ బాధ్యత వహించింది. తమపై ఎలాంటి సైనిక చర్య జరిగినా బందీలందరినీ ఉరితీస్తామని హెచ్చరించింది. బలూచ్ లిబరేషన్ ఆర్మీ తన యోధులు మష్కాఫ్, ధాదర్, బోలాన్లో "కచ్చితమైన ప్రణాళికాబద్ధమైన ఆపరేషన్" నిర్వహించారని చెప్పారు. మన యోధులు రైల్వే ట్రాక్ను పేల్చివేశారు, జాఫర్ ఎక్స్ప్రెస్ను ఆపివేయవలసి వచ్చింది. యోధులు వేగంగా రైలును నియంత్రించారు, ప్రయాణికులందరినీ బందీలుగా పట్టుకున్నారు," అని పేర్కొంది. "ఆక్రమిత బలగాలు ఏదైనా సైనిక చర్యకు ప్రయత్నించినట్లయితే పరిణామాలు తీవ్రంగా ఉంటాయి. వందలాది మంది బందీలను ఉరితీయబడతారు.. ఈ రక్తపాతానికి బాధ్యత పూర్తిగా ఆక్రమిత దళాలపైనే ఉంటుంది" అని బలూచ్ లిబరేషన్ ఆర్మీ గట్టి హెచ్చరికను జారీ చేసింది. ప్రాణనష్టాన్ని ధృవీకరిస్తూ బలూచ్ లిబరేషన్ ఆర్మీ మాట్లాడుతూ"ఇప్పటి వరకు, ఆరుగురు సైనిక సిబ్బంది మరణించారు.. వందలాది మంది ప్రయాణికులు బలూచ్ లిబరేషన్ ఆర్మీ కస్టడీలో ఉన్నారు అని పేర్కొంది. బలూచ్ లిబరేషన్ ఆర్మీ ప్రతినిధి జీయాంద్ బలోచ్ "ఈ ఆపరేషన్కు గ్రూప్ పూర్తి బాధ్యత వహిస్తుందని" పునరుద్ఘాటించారు.
