మధ్యప్రదేశ్‌ రాష్ట్రంలోని ఉజ్జయినిలో ఓ తల్లి తన ఏడాదిన్నర కుమార్తెను దారుణంగా కొట్టి కిందపడేసింది. ఆ తర్వాత ఆమె తన బిడ్డ ఒక చేత్తో పట్టుకుని బయటకు విసిరివేసింది. ఉజ్జయినిలోని బద్‌నగర్ తహసీల్‌లో ఈ ఘటనకు సంబంధించి కేసు నమోదైంది. అయితే ఈ వీడియో వైరల్ కావడంతో, చైల్డ్‌లైన్ ఈ విషయాన్ని గుర్తించింది. చిన్నారిని కొట్టడం గురించి నేషనల్ చైల్డ్ లైన్ యొక్క టోల్-ఫ్రీ నంబర్ 1098కి సమాచారం అందింది. చిన్నారి లతిక వయస్సు సుమారు ఒకటిన్నర సంవత్సరాలు. చిన్నారి తండ్రి ధర్మేంద్ర చౌహాన్ అని తెలిసింది. జునా పట్టణంలోని బాలాజీ దేవాలయం సమీపంలో వీరు నివసిస్తున్నారు. తల్లి కోమల్ ప్రతిరోజూ చిన్నారిని దారుణంగా కొట్టేదని స్థానికుల ద్వారా తెలిసింది. ఫిర్యాదును స్వీకరించిన చైల్డ్‌లైన్ బృందం ఫిబ్రవరి 24న కేసును విచారించింది. దీని కోసం బృందం చిన్నారి ఇంటికి చేరుకుని ఇరుగుపొరుగు వారితో మాట్లాడింది. విషయం పూర్తిగా సరి అయినదే అని తెలిసింది. అంతేకాదు బాలికను కొట్టిన వీడియోను కూడా చైల్డ్‌లైన్ కనుగొంది. ఈ కేసులో బాలిక తల్లిపై బద్‌నగర్ పోలీస్ స్టేషన్‌లో కేసు నమోదు చేసేందుకు చైల్డ్‌లైన్ బృందం దరఖాస్తు చేసింది.
