కర్ణాటకలోని మైసూర్ సమీపంలో ఓ కాలేజీ విద్యార్థినిపై గ్యాంగ్రేప్ జరిగింది. స్థానిక పోలీసులు తెలిపిన వివరాల ప్రకారం.. మంగళవారం తన బాయ్ఫ్రెండ్తో కలిసి యువతి మైసూర్ సిటీకి 13 కిలోమీటర్ల దూరంలోని చాముండి హిల్స్ ప్రాంతానికి వెళ్లింది. అక్కడి నుంచి బైక్పై తిరిగి వస్తుండగా కొందరు యువకులు వారిని అడ్డగించారు. వారి దగ్గరున్న డబ్బులివ్వాలని దుండగులు డిమాండ్ చేశారు. అయితే వారికి డబ్బులు ఇచ్చేందుకు యువతి, ఆమె బాయ్ఫ్రెండ్ నిరాకరించారు. దీంతో ఆ గ్యాంగ్ యువతి బాయ్ఫ్రెండ్ పై దాడికి పాల్పడ్డారు. అనంతరం యువతిని గ్యాంగ్ లోని ఇద్దరు వ్యక్తులు రేప్ చేశారు. లలితాద్రిపుర రహదారి వద్ద యువతిపై అత్యాచారానికి పాల్పడినట్లు సమాచారం. ప్రస్తుతం బాధితులిద్దరూ(యువతి, యువకుడు) హాస్పిటల్ లో ట్రీట్మెంట్ పొందుతున్నారు. ఘటనపై ఆలనహళ్లి పోలీస్ స్టేషన్లో కేసు నమోదైంది. ఐసీసీ సెక్షన్ 376-D కింద గ్యాంగ్ రేప్ కేసు నమోదుచేశారు. నిందితులను గుర్తించి పట్టుకునేందుకు గాలిస్తున్నామని, దర్యాప్తు కొనసాగుతుందని పోలీసులు తెలిపారు.
