నవరాత్రి సమయంలో ఉపవాసం ఉండే వారి కోసం ఇండియన్ రైల్వే క్యాటరింగ్ అండ్ టూరిజం కార్పొరేషన్ స్పెషల్ మెనూను ప్రవేశపెట్టింది. ఈ స్పెషల్ మెనూ ద్వారా రైల్వేలు ప్రయాణీకులకు సాత్విక్, పండ్ల ఆధారిత భోజనం రెండింటినీ అందించే సౌకర్యాన్ని ప్రవేశపెట్టినట్లు తెలిపింది. సాత్విక్ డైట్ మెనూలో సాగో నుంచి రాక్ సాల్ట్ వరకు అన్ని రకాల వంటకాలు ఉంటాయి. జీరా బంగాళాదుంపలు, బంగాళాదుంప టిక్కీలు, సాగో కిచిడి, సాగో వడ, మలై బర్ఫీ, లస్సీ, ఎండిన మఖానా, ఉపవాస కూరగాయలు, వేరుశెనగ ఉప్పు సాదా పెరుగు ఇందులో ఉంటాయి. ఈ స్పెషల్ మెనూ కోసం ఐఆర్ సీటీసీ ఈ-క్యాటరింగ్ వెబ్సైట్ లేదా యాప్లో బుకింగ్ చేసుకోవాల్సి ఉంటుంది. ఆన్లైన్ చెల్లింపు, పే-ఆన్-డెలివరీ ఎంపికలు అందుబాటులో ఉన్నాయి. ఆర్డర్ చేసిన తర్వాత ప్రయాణీకులు సంబంధిత స్టేషన్లోని వారి బెర్త్లలో వారి భోజనాన్ని అందుకుంటారు. ఈ సాత్విక్ థాలిల ధర రూ.100 నుంచి రూ.200 మధ్య ఉంది. గతంలో వందే భారత్ రైల్లో ప్రయాణికులకు 500 మి.లీ. వాటర్ బాటిల్స్ అందించే వారు. ఈక్రమంలో ప్రయాణికులకు ఒక లీటర్ వాటర్ బాటిల్ అందించాలని రైల్వే బోర్డు అన్ని జోనల్ రైల్వేలకు ఆదేశాలు జారీ చేసింది. ఈ కొత్త ఉత్తర్వుల నేపథ్యంలో అన్ని వందే భారత్ రైళ్లలో ప్రయాణికులకు ఒక లీటరు వాటర్ బాటిల్స్ అందుబాటులోకి వచ్చాయి.
